Karad News : गृहखाते बदनाम हाेणार असेल तर ते खपवून घेणार नाही. एटीएसच्या माध्यमातून कराड तालुक्यातील स्फाेटाचा तपास व्हावा अशी मागणी आमदार नितेश राणे यांनी कराड येथे केली. दरम्यान हिंदु समाजाच्या विराेधात काेण वागत असेल तर लाेकप्रतिनिधींचा देखील पाणउतारा केला जाईल असा सज्जड इशार राणेंनी कराड येथे दिला.(Maharashtra News)
सातारा जिल्ह्यातील कराड येथील मुजावर कॉलनी येथे मागील आठवड्यात झालेल्या स्फ़ोटामुळे नुकसान झालेल्या ठिकाणी आमदार नितेश राणे यांनी भेट दिली. या स्फोटामुळे झालेल्या नुकसानीचीही राणे यांनी पाहणी केली. या स्फोटाबाबत तपास करणाऱ्या अधिकारी यांच्याशी राणेंनी चर्चा केली.
राणे म्हणाले उद्या येथे बाॅम्ब तयार हाेत असतील आणि त्याला गॅस सिलेंडरच्या नावाखाली खपविणार असाल तर ते चालू देणार नाही. हिंदुत्ववादी कार्यकर्त्यांना त्रास द्याल तर साेडणार नाही असा इशारा राणेंनी केली. आगामी काळातील अधिवेशनात याबाबत आवाज उठविणार असल्याचे राणेंनी नमूद केले. नेमके काेण दबाव आणत आहेत या प्रश्नावर राणे म्हणाले मी अधिवेशनात बाेलेन तेथे नाेंद हाेईल असेही राणेंनी म्हटले.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
