- सिद्धेश म्हात्रे

नवी मुंबई महानगरपालिकेने एपीएमसी कांदा बटाटा मार्केट आणि एपीएमसी प्रशासकीय इमारतीची जलवाहिनी बंद गुरुवारी बंदी केली. एपीएमसी कांदा बटाटा मार्केट आणि अन्य ठिकाणी पाणी येत नसल्याने माथाडी वर्ग आक्रमक झाला आहे. आज (साेमवार) माथाडी कामगार नेते नरेंद्र पाटील यांनी कांदा बटाटा मार्केट बंद करुन माेर्चा काढण्याचा पवित्रा घेतला.

एपीएमसी कांदा बटाटा मार्केटची इमारत अतिधोकादायक इमारत म्हणून घोषित करण्यात आली आहे. त्यानंतर नवी मुंबई महानगरपालिकेने एपीएमसी कांदा बटाटा मार्केट आणि एपीएमसी प्रशासकीय इमारतीची जलवाहिनी बंद केली. जलवाहिनी बंद केल्याने मार्केटमधील व्यापारावर परिणाम हाेऊ लागल्याचे व्यापा-यांचे म्हणणे आहे.

या बराेबरच एपीएमसी प्रशासकीय इमारतीचे पाणी देखील बंद झाल्याने कामकाजावर परिणाम झाला आहे. या निर्णया विराेधात आज माथाडी कामगारांचे नेते नरेंद्र पाटील हे कांदा बटाटा मार्केट मध्ये आक्रमक झाल्याे पाहायला मिळाले. पाटील यांनी कांदा बटाटा मार्केट बंद केले. सर्व माथाडी मापाडी यांच्यासह मनपा मुख्यालयावर मोर्चा काढण्यासाठी मार्केट मधील व्यापारी, कामगारांना आवाहन केले.

त्यानंतर सर्व माथाडी मापाडी आणि व्यापाऱ्यांसह नवी मुंबई मनपा मुख्यालयावर मोर्चा काढला. बाईक रिक्षा आणि खाजगी वाहनांमधून सर्व मोर्चेकरी मनपा मुख्यालयाकडे रवाना झाले.

Edited By : Siddharth Latkar