पुण्यातून एक धक्कादायक बातमी समोर आली आहे. पुण्यातील मुंढवा येथे एका तरुणीने आत्महत्या केली आहे. मुंढवा येथील पुलावरुन २२ वर्षीय तरुणीने उडी मारली आहे. या घटनेने परिसरात खळबळ उडाली आहे.

मंगळवारी दुपारी या तरुणीने पुलावरुन उडी मारली. या घटनेनंतर बुधवारी दुपारी अग्निशामकलचे जवान व जीव रक्षकांनी अथक प्रयत्न केल्यानंतर तिचा मृतदेह सापडला. याप्रकरणी खराडे पोलीस ठाण्यात आकस्मित मृत्यू दिनांक करण्यात आली आहे.

निकिता अष्टेकर असं मृत तरुणीचे नाव आहे. ती मूळची सोलापूरच्या म्हाडा येथील आहे. निकिता ही येरवडा येथील एका कॉल सेंटरमध्ये कार्यरत होती.मंगळवारी दुपारी तीनच्या सुमारास ती मुंढवा येथील नवीन पुलावर आली. त्यानंतर तिने पुलाच्या कठड्यावर मोबाईल आणि पर्स ठेवून नदीत उडी मारली. ही घटना घडताच परिसरातील नागरिकांनी तत्काळ नदीत उडी मारुन तिचा शोध घेण्याचा प्रयत्न केला.

निकिता गेल्या अनेक महिन्यांपासून मानसिक तणावात असल्याची माहिती तिच्या कुटुंबियांनी दिली. याच मानसिक तणावातून निकिताने हे टोकाचे पाऊल उचलल्याचा प्राथमिक अंदाज आहे. याप्रकरणी खराडी पोलिस ठाण्यात मृत्यूची नोंद करण्यात आली असून पोलिस पुढील तपास करत आहेत.

पुण्यात २२ वर्षीय तरुणीवर चाकूने हल्ला

पुण्यात दिवसेंदिवस गुन्हेगारी प्रवृत्ती वाढत आहे. पुण्यात चंदनगर परिसरातदेखील एकूण २२ वर्षीय तरुणीवर हल्ला करण्यात आला आहे. प्रियकरानेच प्रेयसीवर हल्ला केला असून यात उपचारादरम्यान तिचा मृत्यू झाला आहे. प्रेयसीचे लग्न दुसऱ्या मुलासोबत ठरल्याने प्रियकराने हे पाऊल उचलले. त्याने तिच्यावर टाकूने वार केले. यामध्ये तिचा दुर्दैवी मृत्यू झाला आहे.