मुंबई आणि नाशिककरांसाठी आनंदाची बातमी आहे. आता मुंबई ते नाशिक प्रवास सुसाट होणार आहे. लवकरच मुंबई ते नाशिकदरम्यान मेमू शटल सेवा सुरु होणार आहे. यामुळे मुंबई ते नाशिक प्रवास करणाऱ्यांना दिलासा मिळणार आहे. गेल्या अनेक वर्षांपासून या सेवेसाठी प्रयत्न सुरु होते. त्यांना आता यश येताना दिसत आहे.

मध्य रेल्वे प्रशासनाने यासाठी पाऊस उचलले आहे. कसारा घाटात मेमू लोकलची चाचणी घेण्यास सुरुवात केली आहे. हा घाट आव्हानात्मक आहे. त्यामुळे या मार्गावर टेस्ट घेतली जात आहे.या सेवेमुळे मुंबई नाशिककरांना खूप फायदा होणार आहे. ही सेवा सुरु झाल्यानंतर प्रवाशांना मेल किंवा एक्सप्रेसवर अवलंबून राहावे लागणार नाही.

गेल्या काही वर्षांपासून मुंबई ते नाशिकदरम्यान लोकल सेवा सुरु करण्याचा प्रयत्न केला होता. परंतु तांत्रिक कारणामुळे हा प्रकल्प यशस्वी होऊ शकला नाही. आता प्रशासनाने शटल सेवा सुरु करण्यासाठी चाचणी घेण्यास सुरुवात केली आहे. दिव-वसई मार्गाप्रमाणे मुंबई नाशिक मार्गावर शटल सेवा सुरु करण्यासाठी पडताळणी सुरु आहे.या चाचणीत कसारा घाटातील चढ-उतार मार्गावर मेमू लोकलची क्षमता तपासली केली जाणार आहे.

मेमू लोकलची चाचणी कशी होणार? (Memu Local)

मेमू लोकलची चाचणी करताना कसारा घाटातील चढणीवर किती वीजपुरवठा लागतो ते चेक केले जाते.

ही लोकल किती प्रवाशांनी भरुन चढणीवर धावू शकते याबाबत पडताळणी केली जाणार आहे.

घाटातील बोगद्यातून किंवा उतार मार्गावरुन काही अडचणी येतात का त्याची तपासणी केली जाणार आहे

मेमू लोकलची खासियत (Mumbai Nashik Memu Local Features)

मेमू लोकल ही वंदे भारत प्रमाणेच असणार आहे. या मेमू लोकलमध्ये १९ डबे प्रस्तावित आहेत. या लोकला वेग देण्यासाठी ६ मोटर कोच असणार आहे. त्यामुळे ही लोकल जास्त वेगाने धावण्याची शक्यता आहे.ही सेवा सुरु झाल्याने प्रवाशांना आरामदायी प्रवास करता येणार आहे. या चाचण्या लवकर होऊन ही सेवा प्रवाशांसाठी लवकर सुरु करावी, अशी अपेक्षा व्यक्त केली आहे.