मुंबईत सगळीकडे मेट्रोचे जाळे पसरत आहे. आता मेट्रो ३ मधील अजून एक मेट्रो मार्ग प्रवाशांसाठी खुला होणार आहे. मुंबईत वाहतूक कोंडी जास्त प्रमाणात आहे. त्यामुळे मेट्रोने प्रवास करणे सोयीस्कर असणार आहे. यामुळे मुंबईकरांना फायदा होणार आहे. मेट्रो ३ मधील हा दुसरा टप्पा वरळी (आचार्य अत्रे चौक) ते बीकेसी असा असणार आहे. आता तुम्हाला आरे ते वरळी हा प्रवास ३६ मिनिटांत करता येणार आहे. (Metro 3 Route)

गेल्या वर्षी आरे ते बीकेसी हा मार्ग ऑक्टोबर महिन्यात खुला झाला होता. त्यानंतर आता पुढच्या महिन्यात वरळी ते बीकेसी हा मार्ग खूला होणार आहे. त्यामुळे आरे ते वरळी हा प्रवास मुंबईकरांना करता येणार आहे.

दरम्यान या मेट्रोचे भाडे १० रुपयांपासून ते ६० रुपयांपर्यंत असणार आहे. हे भाजे प्रत्येक स्थानकानुसार वेगळे असणार आहे.या मेट्रो मार्गात लेडी जमशेदजी रोड, डॉ. अॅनी बेझंट रोड या ठिकाणी जाता येईल. हा मेट्रो मार्ग धारावी, दादर, सिद्धिविनायक, वरळी यांसारख्या भागांना जोडणार आहे. यामुळे प्रवास जलद आणि सोपा होईल.

या नवीन मार्गामुळे वाहतुक कोंडीपासून सुटका होणार आहे. दादरमधील मेट्रो स्टेशन मुख्य रेल्वे स्थानकापासून ते एक किलोमीटर अंतरावर आहे. याचसोबत बीकेसी आणि वरळी या ठिकाणी जाण्याचा मार्ग जलद होणार आहे.

बीकेसी आणि धारावी दरम्यानच्या १.८ किमी लांबीच्या मार्गासाठी विशेष बोगदा बोरिंग मशीन वापरण्यात आले आहे. (Metro 3 News)

मेट्रो ३ चा मार्ग (Metro 3 Stations)

मेट्रो ३ ही ३३.५ किमी लांबीच्या भूमिगत कॉरिडॉरमधून धावणार आहे. ही मेट्रो आरे डेपो ते कफ परेडशी जोडली जाणार आहे. या मार्गावर एकूण २७ स्थानके असणार आहे. यात सीप्झ, बीकेसी, धाराव, दादर, सिद्धिविनायक, वरळी नाका, मुंबई सेंट्रल, सीएसएमटी आणि चर्चेगेट हे मुख्य थांबे असतील.या मेट्रो मार्गामुळे प्रवाशांचा खूप वेळ वाचणार आहे.