Western Railway: पश्चिम रेल्वेवर रात्रकालीन ब्लॉक, प्रवाशांचे मेगा हाल! दादर, अंधेरीसह प्रत्येक स्टेशनवर गर्दी

Wetern Railway Mega Block: 24 जानेवारीच्या रात्री पश्चिम रेल्वेने देखभालीच्या महत्त्वाच्या कामांसाठी ब्लॉक घेतल्याने रेल्वे वाहतूक मोठ्या प्रमाणात विस्कळीत झाली. यामुळे प्रवाशांना गैरसोयींचा सामना करावा लागला, तर काही गाड्या उशिराने धावत होत्या.
Western Railway Megablock
Western Railway MegablockSaam tv
Published On

माहीम ते वांद्रे स्थानकादरम्यान पुलाच्या कामासाठी पश्चिम रेल्वेने २४-२५ व २५-२६ जानेवारीला रात्री 11 ते सकाळी 8.30 वाजेपर्यंत विशेष ब्लॉक घेतला आहे. या कालावधीत 275 लोकल गाड्या रद्द करण्यात आल्या आहेत. लांब पल्ल्याच्या गाड्यांवरही याचा परिणाम झाला आहे. त्यामुळे पश्चिम रेल्वे मार्गावरील वाहतूक मोठ्या प्रमाणात विस्कळीत झाले. सकाळी कामावर निघालेल्या प्रवाशांचे प्रचंड हाल झाले.

1888 मध्ये बांधलेला लोखंडी स्क्रू पाइल रेल्वे पूल काँक्रीटच्या खांबांनी बदलण्याचे काम हाती घेण्यात आले आहे. यासाठी पश्चिम रेल्वेने २४ व २५ जानेवारीच्या रात्री ११.०० ते सकाळी ८.३० या वेळेत विशेष ब्लॉक घोषित केला आहे. या कामामुळे अनेक लोकल गाड्या रद्द झाल्याने प्रवाशांना सकाळच्या वेळी प्रवासात अडथळ्यांचा सामना करावा लागला. प्रवाशांनी यामुळे होणाऱ्या गैरसोयीचा विचार करून प्रवासाचे नियोजन करावे, असे आवाहन रेल्वेकडून करण्यात आले आहे.

पश्चिम रेल्वे मार्गावरील अंधेरी आणि बोरिवली या महत्त्वाच्या स्थानकांवर प्रवाशांची प्रचंड गर्दी झाली होती. सहा महत्त्वाच्या स्थानकांवर धीम्या लोकल थांबत नसल्याने प्रवाशांचा संताप वाढला. चर्चगेट ते दादर जलद मार्गावर रेल्वे वाहतूक सुरू होती, तर विरार ते अंधेरी दरम्यान काही लोकल चालू होत्या. मात्र, अंधेरीहून पुढे लोकल उपलब्ध नसल्याने प्रवाशांचे हाल झाले. सकाळी ऑफिसला जाणाऱ्या प्रवाशांना विलंबाचा सामना करावा लागला. पश्चिम रेल्वेने दिलेल्या माहितीनुसार, ७.३० नंतर रेल्वे वाहतूक सुरळीत होईल, अशी अपेक्षा व्यक्त करण्यात आली आहे.

Western Railway Megablock
World's Largest Railway Station: जगातलं सर्वात मोठं रेल्वे स्टेशन, एकाच वेळी थांबतात ४४ ट्रेन

मुंबईची जीवनवाहिनी मानल्या जाणाऱ्या लोकल सेवेवर दररोज लाखो प्रवासी अवलंबून आहेत. पश्चिम रेल्वेने देखभालीसाठी २४ जानेवारीच्या रात्री विशेष ब्लॉक घेतल्याने रेल्वे वाहतूक मोठ्या प्रमाणात विस्कळीत झाली. यामुळे प्रवाशांना गैरसोयींचा सामना करावा लागला. पश्चिम रेल्वे मार्गावरील काही गाड्या अद्यापही काही मिनिटे उशिराने धावत आहेत. रेल्वे प्रशासनाने कामे लवकर पूर्ण करून सेवा पूर्ववत करण्याचे प्रयत्न सुरू असल्याचे सांगितले आहे. प्रवाशांनी प्रवासाचे नियोजन सावधगिरीने करण्याचे आवाहन करण्यात आले आहे.

Western Railway Megablock
Delhi High Court: महिला आरोपीला हायकोर्टाचा मोठा धक्का, अंतरिम जामीन नाकारला, नेमकं प्रकरण काय?

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com