संजय गडदे, साम टीव्ही

Mumbai Fire : मुंबईत आगीच्या घटनांचे सत्र सुरुच असल्याचे पाहायला मिळत आहे. मुंबईच्या विमानतळाजवळील एका फाईव्ह स्टार हॉटेलला आग लागल्याची घटना घडली आहे. मुंबईच्या सहारा पोलीस ठाण्याच्या हद्दीत ही घटना घडली आहे. या आगीच्या घटनेनंतर लोकांची एकच धावाधाव झाली. आग लागल्याची माहिती मिळताच अग्निशमन दलाचे जवान घटनास्थळी पोहोचले आहेत.

मिळालेल्या माहितीनुसार, मुंबईतील विमानतळाजवळील फेअरमॉन्ट हॉटेलला आग लागल्याची घटना घडली आहे. सहारा पोलीस स्टेशनच्या हद्दीतील असणाऱ्या फेअरमॉन्ट हॉटेलला आग लागली. या आगीची माहिती मिळवल्यानंतर अग्निशमन दलाचे जवान घटनास्थळी पोहोचले. हॉटेलला आग लागल्यानंतर आकाशात काळ्या धुराचे लोट पसरत होते.

आगीच्या घटनेनंतर हॉटेलमधील नागरिकांची एकच धावाधाव झाली. या आगीत कोणतीही जीवितहानी झाल्याची माहिती हाती आलेली नाही. आगीत नेमकं किती नुकसान झालं, याची अधिकृत माहिती हाती आलेली नाही. फेअरमॉन्ट फाईव्ह स्टार हॉटेलला नेमकी आग कशी लागली, याचं कारण अद्याप स्पष्ट झालेलं नाही.

आग कशी लागली?

हॉटेल फेअरमॉन्टच्या टेरेसवरील एसी कंप्रेसर फुटल्यामुळे आग लागल्याची घटना घडल्याचे समोर आलं आहे. अग्निशमन दलाच्या १५ पेक्षा अधिक गाड्या घटनास्थळी पोहोचल्याची माहिती हाती आली आहे. आग लागल्यानंतर तब्बल दीड तासानंतर आगीवर नियंत्रण मिळवण्यात अग्निशमन दलाला यश आलं.

दक्षिण मुंबईत उंच इमारतीला आग

मुंबईतील दक्षिण भागातील मेट्रो सिनेमाजवळ एका इमारतीच्या सर्वात मजल्याला आग लागल्याची घटना घडलीये. आगीच्या घटनेची माहिती मिळताच अग्निशमन दलाच्या गाड्या घटनास्थळी पोहोचल्या. आगीवर नियंत्रण मिळवण्यासाठी अग्निशमन दलाच्या जवानांनी शर्थीचे प्रयत्न केले. त्यानंतर आगीवर नियंत्रण मिळवण्यात यश आलं. गोल मशीद येथून जवळ असलेल्या एका इमारतीच्या आज दुपारच्या सुमारास अचानक आग लागल्याची घटना घडली आहे. आगीची माहिती मिळताच काही नागरिकांनी अग्निशमन दलाला ही माहिती दिली.