Mumbai Fire: मरीन लाइन्स परिसरातील इमारतीला भीषण आग; हवेत पसरले धुराचे लोट

दक्षिण मुंबईतील मेट्रो सिनेमाजवळ एका इमारतीच्या सर्वांत वरच्या मजल्यावर भीषण आग लागल्याची घटना घडलीय. या घटनेची माहिती मिळताच अग्निशमन दलाच्या काही गाड्या घटनास्थळी दाखल झाल्या आहेत. आग शमविण्यासाठी शर्थीचे प्रयत्न केले जात आहेत. दक्षिण मुंबईतील मेट्रो सिनेमा आणि गोल मस्जिद येथून जवळच असलेल्या एका इमारतीच्या आज दुपारच्या सुमारास अचानक आग लागलीय. प्रसंगावधान दाखवत काही नागरिकांनी याबाबतची माहिती अग्निशमन दलाला दिली. त्यानंतर अग्निशमन दलाच्या गाड्या घटनास्थळी दाखल झाल्या असून सध्या ही आग विझवण्यासाठी प्रयत्न करण्यात येत आहेत.