- सुशिल थाेरात

Nagar Crime News : सामाजिक कार्यकर्त्यांवर हल्ले हाेणे ही गंभीरबाब आहे. माझ्यावर झालेल्या हल्ल्याप्रकरणी पाेलीस यंत्रणेने काेणतीच हालचाल केली नाही. पाेलीस खात्याने तसेच सरकारने सामाजिक कार्यकर्त्यांवर हाेणारे हल्ले थाेपविण्यासाठी ठाेस उपाययाेजना केली पाहिजे असे मत सामाजिक कार्यकर्ते मुख्याध्यापक हेरंब कुलकर्णी (Heramb Kulkarni Latest Marathi News) यांनी साम टीव्हीशी बाेलताना केली. (Maharashtra News)

अहमदनगर शहरातील सिताराम सारडा विद्यालयात हेरंब कुलकर्णी हे मुख्याध्यापक म्हणून कार्यरत आहेत. या शाळेलगतच्या विद्यार्थ्यांच्या जिवावर बेतणार्‍या बेकायदेशिर सिगारेट, तंबाखू विक्रीच्या पानटपर्‍या हटविण्यासाठी कुलकर्णी यांनी प्रयत्न केले हाेते.

महानगरपालिकेकडे सातत्याने पाठपुराव्याने केल्याने महापालिकेने या टप-या परिसरातून हटविल्या. त्याचा राग मनात धरुन अज्ञातांनी हेरंब कुलकर्णी यांच्यावर शनिवारी जीवघेणा हल्ला केला. या हल्ल्यानंतर त्यांना रुग्णालयात उपचारार्थ दाखल करण्यात आले.

आज साम टीव्हीशी बाेलताना कुलकर्णी म्हणाले त्या दिवशी तिघांनी माझ्यावर लाेखंडी राॅडने हल्ला केला. माझ्यावर हाेणारा हल्ला आमचे शिक्षकमित्र सुनील कूलकर्णी यांनी राेखला. त्यामुळे पुढील अनर्थ टळला.

नगर जिल्ह्यातील वाढती गुन्हेगारी राेखण्यासाठी पाेलीसांनी ठाेस उपाययाेजना केल्या पाहिजेत. मी शाळेच्या आजूबाजूच्या पान टप-या हटविण्यासाठी प्रयत्न केले. 44 वर्षापूर्वीची टपरी देखील माझ्या पाठपूराव्याने हटली गेली असेही कूलकर्णींनी नमूद केले.

Edited By : Siddharth Latkar