Nitesh Rane vs Sanjay Raut : शकुनी मामा, सूर्याजी पिसाळने घराघरांत आग आणि काड्या लावणे बंद करावे; नितेश राणेंचा संजय राऊतांना टाेला

- विनायक वंजारे

Nitesh Rane News : एकाबाजूला ज्येष्ठ नेत्यांना विठ्ठल म्हणायाचे आणि त्यांच्याच घरात भांडणे लावण्याचे काम शकुनी मामा संजय राऊतांनी (mp sanjay raut) केले. आग आण काड्या लावण्याचे काम स्वत:हून बंद करुन मग इतरांना संजय राऊत यांनी सल्ला द्यावा असे भाजप आमदार नितेश राणे (mla nitesh rane latest marathi news) यांनी खासदार संजय राऊत यांच्यावर टीका करताना म्हटलं. राणे यांनी आज (साेमवार) सिंधुदूर्ग (sindhudurg) येथे माध्यमांशी संवाद साधताना संजय राऊतांवर टीकास्त्र साेडले. (Maharashtra News)

आमदार नितेश राणे म्हणाले शिंदे साहेबांना किती त्रास द्यायचा हे आमच्या मित्र पक्षाने ठरवावे. फडणवीस साहेबांनी काय निर्णय घ्यावा हे त्यांना संगण्याऐवढे आपण मोठे नाही. ह्या तिघांना काम करू द्या. उगाच बडबड करू नका आणि राऊतांना फुलटाॅस देऊ नका असे राणेंनी आमदार संजय शिरसाट यांनी फडणवीस यांच्याबाबत केलेल्या वक्तव्यावर नाराजी व्यक्त केली.

राणे म्हणाले संजय राऊत हा शकुनी मामा, सूर्याजी पिसाळ आहे. बाळासाहेब तुझेही विठ्ठल होते ना मग त्यांचं घर का फोडले असा सवाल करीत संजय राऊत यांनी राज आणि उद्धव ठाकरे यांच्यामध्ये भांडण लावून दिली. आता आदित्य आणि तेजस यांच्यात भांडणे का लावताय असा सवाल राणेंनी राऊतांना केला.

पवार साहेबांसोबत देखील तेच केले. एकाबाजूला शरद पवार यांना विठ्ठल म्हणताेस ना मग सुप्रिया सुळे आणि अजित पवार यांच्यात का भांडण लावताेयस. जिकडे जाताेस तिकडचे घर फाेडताेस असली काड्या टाकण्याची कामे बंद कर आणि मग दूस-यांना सल्ले दे असेही राणेंनी (nitesh rane) राऊत यांच्यावर टीका करता नमूद केले.

Edited By : Siddharth Latkar