Gautami Patil Car Accident Case : अपघात प्रकरणामुळे गौतमी पाटील सध्या चर्चेत आहे. गौतमी पाटीलच्या वाहनाचा आणि रिक्षाचा अपघात झाला होता. अपघाताच्या वेळेस गौतमी सुद्धा वाहनात होती असा आरोप करण्यात आला. अपघातावेळी गौतमी ही वाहनात नव्हती अशी अंतिम माहिती पुणे पोलिसांनी दिली आहे. पोलिसांकडून गौतमी पाटीलला क्लीन चिट देण्यात आली आहे. या प्रकरणात पोलिसांनी तब्बल १०० हून अधिक सीसीटीव्ही फुटेज तपासले. त्यानंतर अपघातावेळी फक्त गौतमी पाटीलचा चालक वाहनात उपस्थित होता हे स्पष्ट झाले.

पुणे पोलिसांनी दिलेल्या माहितीनुसार, अपघाताला गौतमी नाही फक्त तिच्या वाहनाचा चालक जबाबदार आहे. अपघाताच्या वेळी ती वाहनात नव्हती. पोलिसांनी अपघात स्थळापासून भोरपर्यंतचे शेकडो सीसीटीव्ही तपासले. अपघातावेळी तिच्या वाहनात फक्त चालत उपस्थित होता असे पोलीस उपायुक्त संभाजी कदम यांनी सांगितले.

पुण्यातील वडगाव बुद्रुक परिसरात गौतमीच्या चालकाने अपघात केला. त्याने एका रिक्षाला धडक दिली. पण तेव्हा वाहनामध्ये गौतमी पाटील नव्हती अशी माहिती संभाजी कदम यांनी दिली आहे. अपघातानंतर पुणे ते भोर या रस्त्यावरील ४० ते ५० ठिकाणांहून १०० हून अधिक सी सी टिव्ही फुटेज तपासले गेले. आत्तापर्यंत झालेल्या तपासातून गौतमी पाटीलचा या अपघाताशी संबंध नसल्याचे तपासातून समोर आले आहे.

अपघातापूर्वी वाहनातून २ व्यक्ती खाली उतरल्या आहेत पण त्यांचा कुठला ही संबंध अपघाताशी नसल्याचे सुद्धा पोलिसांनी सांगितले. अपघातानंतर तांत्रिक बाबी आणि इन्शुरन्स यासाठी गौतमी पाटील यांचे स्टेटमेंट घेऊ, पण आत्तापर्यंत झालेल्या तपासातून गौतमी पाटीलचा संबंध नसल्याची महत्त्वपूर्ण माहिती पोलिसांनी दिली आहे.