दिलीप कांबळे

मावळ : मावळातील तळेगाव दाभाडे परिसरात आज सातव्या दिवशी गणेश विसर्जनाची लगबग सुरू असल्याचं पहायला मिळत आहे. शहरातील जनसेवा विकास समितीच्या वतीने यावर्षी देखील ‘गणेश विसर्जन आपल्या दारी’ हा उपक्रम राबविला आहे. तळेगाव शहरात गणेश विसर्जनासाठी 12 ठिकाणी कृत्रिम हौद बनवले आहेत.

हे देखील पहा :

यात सर्व गणेशमूर्तींचे विधीवत विसर्जन आणि निर्माल्य संकलन देखील समितीकडून केले जाणार आहे. जनसेवा विकास समितीने मागील वर्षी पाच हजार गणेश मूर्तींचे संकलन केले होते. नागरिकांनी आपल्या घराजवळील कृत्रिम हौदात गणेश विसर्जन करावे असे आवाहन समितीने केले आहे.

नैसर्गिक,नद्यांचे प्रदूषण समतोल राखण्यासाठी कुत्रीम हौदाची निर्मिती म्हणजे पर्यावरणाचे हित जपल्यासारखे आहे,एकीकडे करोना सदृश्य परिस्थितीत शासनाच्या नियमांचे नागरिकांनी पालन करण्याचे आवाहन जन सेवा विकास समितीने केलं आहे.

Edited By : Krushnarav Sathe

हेही वाचा :