राज ठाकरेंच्या या वक्तव्यावरून शिंदे गटाचे नेते समाधान सरवणकर यांनी मनसेला डिवचंलय. दादरच्या शिवसेना भवनासमोर शिंदे सेनेने मोठा बॅनर उभारला. आणि 'गंगाजल शुद्धच, पण काहींच्या विचारांचं काय?' असा सवाल केला. साहजिकच यावरून मनसे नेते संतप्त झालेत.

तणाव निर्माण झाल्यानंतर महापालिकेनं हे बॅनर हटवले आहेत. दरम्यान, शिंदे सेनेच्या मनसे विरोधाला मोठं कारण आहे.विधानसभा निवडणुकीत माहिम मतदारसंघावरुन महायुतीत तणाव निर्माण झाला होता. मनसेचे उमेदवार अमित ठाकरेंविरोधात महायुतीचा उमेदवार देऊ नये, असा भाजपचा आग्रह होता. मात्र शिंदे सेनेचे उमेदवार सदा सरवणरकर यांनी माघार घेतली नाही.

अमित ठाकरेंचा पराभव झाला आणि ठाकरे गटाचे महेश सांवत विजयी झाले. त्यामुळे मनसे आणि एकनाथ शिंदेंमध्ये राजकीय दरी निर्माण झाली. . त्याचीच सुरवात कदाचित या बॅनरनं तर झाली नसेल ना.. मनसे आणि शिवसेनेतलं राजकीय वैर आगामी महापालिका निवडणुकीत अधिक तीव्र होणार असंच सध्याचं चित्र आहे. कुठल्या वळणावर जाणार याकडे सगळ्याचं लक्ष आहे. सध्यातरी गंगेत राजकारण न्हालं, असंच म्हणू शकतो.