भोसरी विधानसभा क्षेत्राचे भाजपा आमदार महेश लांडगे यांनी उपमुख्यमंत्री अजित पवार यांच्यावर अतिशय विषारी शब्दात टीका केल्यानंतर आता दोन दिवसांनी पिंपरी चिंचवड शहरातील राष्ट्रवादी काँग्रेसच्या नेते आणि पदाधिकाऱ्यांनी महेश लांडगे यांना सौम्य शब्दात पप्रति उत्तर दिला आहे. अजित पवारांच्या पत्नी खासदार सुनेत्रा पवार पिंपरी चिंचवड शहरात सकाळी दाखल झाल्या नंतर अजित पवार गटाकडून आता महेश लांडगे यांना अतिशय सौम्य शब्दात प्रतिउत्तर देण्यात येत आहे.

मी म्हणत होतो दादा याला उगाच मोठं करू नका. मात्र अजित पवारांचे पिंपरी चिंचवड शहरातील काही निर्णय चुकले अशी खंत भोसरी विधानसभा क्षेत्राचे राष्ट्रवादी काँग्रेसचे माजी आमदार विलास लांडे यांनी व्यक्त केली आहे. तर ज्यांना दादांनी आपल्या तालमीत घडवलं त्यांनी आज दादांवर अशा शब्दात टीका करायला नको हवी होती असं प्रतिउत्तर महेश लांडगे यांचे विरोधात विधानसभा निवडणूक लढवलेले राष्ट्रवादी काँग्रेसचे नेते अजित गव्हाणे यांनी दिलं आहे.

महेश लांडगे यांना सत्तेचा अहंकार आला आहे. अजित पवारांनी महापालिकेतील भ्रष्टाचाराचे मुद्दे काढल्यानंतर, शहरात भाजपची सत्ता बदल होऊ शकते. त्यामुळे महेश लांडगे हे अजित पवारांवर अशाप्रकारे विषारी शब्दात आरोप करत आहेत. अतिशय विषारी शब्दात एकमेकांना प्रतिउत्तर देणे ही पिंपरी चिंचवड शहराची संस्कृती नाही म्हणून आम्ही अतिशय आक्रमक न होता सौम्य पद्धतीने महेश लांडगे यांना प्रतिउत्तर देत आहोत असं देखील अजित चव्हाण यांनी स्पष्ट केले.

भाजपचा आमदार महायुतीत जर उपमुख्यमंत्री अजित पवार यांच्यावर एवढ्या विषारी शब्दात टीका करत असेल तर महायुतीत राहायचं की नाही याचा निर्णय सर्वस्वी दादा घेतील. असं देखील अजित गव्हाणे आणि विलास लांडे यांनी माध्यमांशी बोलताना स्पष्ट केल आहे.