मुंबई : मराठा आरक्षण व समाजाचे प्रश्न सुटावेत यासाठी येत्या २६ फेब्रुवारीपासून आमरण उपाेषण करणार असल्याचे खासदार युवराज संभाजीराजे छत्रपती (yuvraj sambhajiraje chhatrapati) यांनी आज मुंबईत झालेल्या पत्रकार परिषदेत जाहीर केले. हे आंदाेलन आझाद मैदानावर असेल असे राजेंनी नमूद केले. (maratha reservation latest marathi news)

मराठा आरक्षण व समाजाच्या इतर अनुषंगिक मागण्यांबाबत समाजातील सर्व क्षेत्रातील मुख्य घटकांशी विचार विनिमय करून पुढील दिशा ठरविलेली आहे असे युवराज संभाजीराजेंनी स्पष्ट केले. संभाजीराजे महाविकास आघाडी (mahavikas aghadi) सरकारवर प्रचंड नाराज झाल्याचे आज पत्रकार परिषदेत पुन्हा एकदा जाणवले.

संभाजीराजे (sambhajiraje) म्हणाले मराठा आरक्षणासाठी (maratha reservation) आंदोलन केली. सर्व पक्षातील नेत्यांना भेटलाे. परंतु समाजासाठीच्या मांडत असलेल्या मागण्या पूर्ण हाेत नाहीत हे लक्षात आलं आहे. आजपर्यंत आम्ही आक्रमकरित्या आंदाेलनं केली परंतु आता मी स्वतः उद्विग्न झालो आहे अशी खंतही खासदार संभाजीराजे छत्रपतींनी व्यक्त केली.

संभाजीराजे म्हणाले, ''केवळ ५ ते ६ मागण्या आहेत. त्या अद्याप मान्य होत नाहीत. महाराष्ट्र सरकार काहीच हालचाल करतं नाही. त्यामुळे येत्या २६ फेब्रुवारीला मी स्वतः आमरण उपोषणास आझाद मैदानात बसणार आहे. मला समन्यवकांनी सांगितलं राजे टाेकाची भुमिका घेऊ नका. परंतु मी त्यांना समजावलं आहे. समाजासाठी जे काही करावं लागेल ती मी करणार आहे. मी एकटाच या आंदाेलनास बसणार असल्याचे संभाजीराजेंनी नमूद केलं.