मनोज जयस्वाल, वाशिम|ता. १ जानेवारी २०२४

Washim News:

आरोग्यविषयक जनजागृती करुन आदर्श उपक्रम राबविणारे राजू डांगे हे अयोध्यात प्रभू श्रीराम प्राणप्रतिष्ठा सोहळ्यात सहभागी होण्यासाठी वाशिमच्या पार्डी तांडा येथून रवाना झालेत. या सोहळ्यासाठी ते सायकलवरुन १ हजार ४१ किलोमीटरचा प्रवास करुन सहभागी होणार आहेत.

अयोध्या नगरीमध्ये प्रभू श्रीरामांच्या मुर्तीचा प्राणप्रतिष्ठा सोहळा (Ram Mandir Inauguration) पार पडणार आहे. देशभरात या सोहळ्याचा जल्लोष अन् उत्साह पाहायला मिळत आहे. या सोहळ्यामध्ये सहभागी होण्यासाठी योग शिक्षक राजू डांगे हे सायकलवरुन अयोध्येकडे रवाना झाले आहेत. १ हजार ४१ किलो मिटरचा प्रवास ते सायकलने पुर्ण करणार आहेत.

राजू डांगे हे युवा पिढीला दररोज साईमंदिरात निशुल्क योगा शिकविण्याचा काम करतात. त्यांना निरोप देण्यासाठी वाशिमधील (Washim) युवक मोठ्या संख्येने उपस्थित होते. यावेळी शाल श्रीफळ देवून त्यांना रवाना करण्यात आले. यावेळी जय श्रीराम चा गजर करुन पुढील प्रवासाला निघाले. दर दिवशी १०० किलो मिटर अंतरावर मुक्काम करण्याचा त्याचा निर्धार आहे.

दरम्यान, यापुर्वी ३० जानेवारीला राजू डांगे यांनी हरिव्दार, अयोध्या असा देशभ्रमन करुन चार हजार किलोमीटर अंतराचा प्रवास केला होता. त्यांनी ५५ दिवसांत हा प्रवास पुर्ण केला होता. यावेळी त्यांनी ठिकठिकाणी आरोग्यविषयक जनजागृती करण्याचे काम केले होते. (Latest Marathi News)

 ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)