मनोज जयस्वाल 

वाशिम : यंदा उन्हाचा तडाखा अधिक जाणवत आहे. उन्हामुळे धरण. तलावातील पाण्याचे बाष्पीभवन होऊन पाणी (Washim) आटत आहे. वाढत्या तापमानामुळे वाशीम जिल्ह्यातील पद्म तलावातील माशांचा मृत्यू होत असल्याचे समोर आले आहे. 

वाशिम जिल्ह्यात वाढत्या तापमानाचा परिणाम बघायला मिळतोय. पदमपुराणात उल्लेख असलेल्या वाशिम शहरातील भगवान पदमेश्वर येथील पद्म तलावातील पाणी आटल्याने मोठ्या प्रमाणात माशाचा (Fish) मृत्यू झाल्याचं समोर आलंय. विदर्भात मागील काही दिवसांपासून सूर्य आग ओकतोय. याचा परिणाम तलावातील पाण्यावर झाला. (Temperature) तापमानामुळे तलावातील पाणी बाष्पीभवनामुळे आटून माशांच्या मृत्यूसाठी कारणीभूत ठरत आहे. 

दोन कुंडातच पाणी 

वाढत्या तापमानामुळे आताही मासे मरण्याचा प्रमाणात वाढ होत आहे. आता उरलेल्या फक्त दोन कुंडामध्ये थोडे पाणी शिल्लक असल्याने त्या कुंडात जीवित असलेल्या माशांना वाचवण्यासाठी प्रयत्न करण्याची गरज निर्माण झाली आहे.