Sunday Horoscope : नातेवाईकांकडून लाभ मिळणार; 5 राशींच्या लोकांचे नशीब उजळणार, अफाट पैसा येणार

पंचांग

रविवार,९ नोव्हेंबर २०२५,कार्तिक कृष्णपक्ष.

तिथी-पंचमी २५|५६

रास-मिथुन

नक्षत्र-आर्द्रा

योग-सिद्ध

करण-कौलव

दिनविशेष-चांगला दिवस

मेष - व्यवसायामध्ये शोध आणि प्रतिशोध यामध्ये अडकून राहाल. भावंडांचे सौख्याने मात्र आपल्याला भक्कम पाठिंबा मिळेल.वाहनावरची गती आज विशेषत्वाने टाळावी.

वृषभ - घरातील मंडळींची एखादे महत्त्वाचा निर्णय घेण्यासाठी सगळेजण एकत्र याल.महत्त्वाचे बैठका पार पडतील. खाण्यापिण्याची मांदियाळी राहील. दिवस चांगला आहे.

मिथुन - आपला प्रभाव इतरांवर राहील.सहज बोलून, हसून, खेळून दिवस घालवण्याचा आज आपला मानस असेल. कोणत्याही गोष्टीची घाई मात्र करू नका. अनेक ठिकाणी पाय ठेवून काम आज टाळा.

कर्क - मनस्वास्थ्यासाठी आपल्या जवळच्या व्यक्तीशी बोलणे आज गरजेचे आहे. खर्चाला बंधन राहणार नाही. दवाखाने, हॉस्पिटल याच्यासाठी विनाकारण पैसे खर्च होतील.

सिंह - लाभदायक घटना घडण्याचा आजचा दिवस आहे. कानाशी निगडित विकार असतील तर आज विशेष काळजी घ्यावी लागेल. परदेशी वार्तालाप आणि नव्याने ओळखी होण्यासाठी दिवस संधी देईल.

कन्या - बौद्धिक क्षेत्रातील लोकांना विशेष घोडदौड होण्याचा आजचा दिवस आहे. मनोरंजनात्मक क्षेत्रामध्ये प्रगती होईल.समाजामध्ये प्रतिष्ठा वाढेल.

तूळ - जमिनीशी निगडित व्यवहार करताना सावधगिरी बाळगा. भाग्य उजळेल पण चुकीच्या दृष्टीने मार्गक्रमण आज नको.लक्ष्मीची उपासना आपल्याला विशेष फलदायी ठरेल.

वृश्चिक - गुढ गोष्टींकडे ओढा वाढेल. अनेक दिवस साचून राहिलेल्या गोष्टींचा निचरा करण्यासाठी आजचा दिवस चांगला आहे. मनाने किंवा वाणीने इतरांना दुखवू नका याची काळजी घ्या.

धनु - आज द्विस्वभाव मनस्थिती राहील. कामाच्या ठिकाणी निर्णय घेताना अवघड वाटेल. यासाठी एखाद्या ज्येष्ठ व्यक्तीचा सल्ला घेऊन पुढे जा तर मार्ग सापडेल.

मकर - आजोळी प्रेम वाढेल. मामाकडून काहीतरी लाभ होण्याची असू शक्यता आहे. कामाला गती असेल पण प्रगती नसेल.चिकाटीने कामे मात्र कराल.

कुंभ - दिवस सहज सुलभ आणि विनासायास आहे. विशेष अडचणी येणार नाहीत. जे ठरवाल ते होईल. संशोधनात्मक गोष्टींमध्ये भर राहील. विद्यार्जनासाठी दिवस चांगला आहे .

मीन-शेतीवाडी, गुरढोरे यांच्यापासून आज आपल्याला फायदा आहे. एकूणच भरभराट करून देणारा आजचा दिवस आहे. घरामध्ये खेळीमेळ्याचे वातावरण असेल पाहुण्यांची ऊठबस होईल.