Nanded Temperature : नांदेड जिल्ह्यात उच्चांकी तापमानाची नोंद; पारा पोहचला ४३ अंशाच्या वर

संजय सूर्यवंशी

नांदेड : मागील आठवडाभरापासून सूर्य आग ओकू लागला आहे. अवकाळी पावसानंतर तापमानात सातत्याने वाढ होत असून (Nanded) नांदेड जिल्ह्यात यंदाच्या उच्चांकी तापमानाची नोंद झाली आहे. यामुळे उन्हाच्या तीव्र झाला आता असह्य होऊ लागल्या आहेत. 

यंदाचा उन्हाळा अधिक तीव्र राहण्याची शक्यता वर्तविण्यात आली आहे. मात्र मध्यंतरी झालेल्या अवकाळी पाऊस व वातावरणात झालेल्या बदलामुळे तापमानात घट झाली होती. मात्र मागील दोन आठवड्यांपासून तापमानात (Temperature) सातत्याने वाढ होताना दिसून येत आहे. यात नांदेड जिल्ह्यात तापमानाने नवा उच्चंक गाठला आहे. यंदाच्या सर्वाधिक तापमानाची (High Temperature) नोंद नांदेडमध्ये आज झाली आहे. 

आज सकाळी ८ वाजून ३० मिनिटाला हवामान खात्याने घेतलेल्या नोंदीनुसार कमाल तापमान ४३ पूर्णांक २ डिग्री सेल्सिअस तापमानाची नोंद झाली. गेल्या आठवडाभरापासून उष्णतेची लाट कायम आहे. दुपारच्या वेळी महत्त्वाच्या कामाशिवाय नागरिकांनी बाहेर पडू नये. बाहेर पडल्यास उन्हापासून बचाव करण्यासाठी उपाय करावेत; असे आवाहन जिल्हा प्रशासनाने केले आहे.