गडचिरोली जिल्हा हा 'वनव्याप्त जिल्हा'म्हणून ओळखला जातो. शिवाय गडचिरोली जिल्हा नैसर्गिक वनसंपदेने समृद्ध असा संपूर्ण विभाग आहे.कृषी तंत्रज्ञान व्यवस्थापक यंत्रणेने गडचिरोलीत रानभाज्यांचा महोत्सव सुरू केला आहे. .गडचिरोलीकरांचा या महोत्सवाला भरभरून प्रतिसाद लाभलाय. या महोत्सवामध्ये तब्बल ७० पद्धतीच्या रानभाज्या दाखल झाल्या आहेत.

पूर्वीच्या काळी ग्रामीण भागात वास्तव्याला असणाऱ्या आदिवासींना या कोसळधार पावसात तब्येत कशी टिकवून ठेवायची याचे गुपित माहित होते. ते होते त्या त्या भागातील रानभाज्या(Ranbhaji). या रानभाज्यांचे विविध पदार्थ या मोसमात जेवणात असले की तब्येत ठणठणीत.

विस्मरणात गेलेल्या अनेक रानभाज्या आजही दुर्गम आदिवासी भागात त्याच चवीने ग्रहण केल्या जातात. मात्र शहरी नागरिकांना याची माहितीच नसते. अशा भाज्यांची ओळख आणि त्यांचे आहारातील चलन वाढावे यासाठी कृषी तंत्रज्ञान व्यवस्थापक यंत्रणेने गडचिरोलीत रानभाज्यांचा महोत्सव सुरू केला. गडचिरोलीकरांचा (gadchiroli )या महोत्सवाला भरभरून प्रतिसाद लाभलाय. तब्बल ७० रानभाज्या महोत्सवात दाखल झाल्या.

अळींबी, बांबू, काटवल, लालमाठ, वाघाटी, बोपली आणि राजगिरा, अंबाडी, कढीपत्ता, शरणी, अळू, चाकवत, बोरु, चवळी, आंबटचुका, करडई पाने, तांदुळजा, गुलवेल, कुयरी, वारकु, करडकोसला, करंजी, केना, पीठपापडा, विंचू, जिवती, फांदी, पोई, कुडा, टाकळा/तरोटा, पातुर, कपाळफोडी, आंबुशी, कुरडू, खापरखुटी, चिवळ, आघाडा, घोळभाजी, मटारु, भुईआवळा, सुरण, दिंडा यातील १०० टक्के रानभाज्या पावसाळ्यातील विविध आजारांना(illness) पळवून लावण्यासाठी गुणकारी आहेत.