- रणजीत माजगांवकर

गेली पंधरा वर्षे राष्ट्रवादी आणि काँग्रेसच्या ताब्यात काेल्हापूरची महापालिका आहे. सत्ताधा-यांना शहराची हद्दवाढ करणे का जमले नाही असा सवाल भाजप महिला मोर्चा प्रदेश उपाध्यक्षा शौमिका महाडिक यांनी केला. हद्दवाढीचे आम्ही समर्थन करतो परंतु हद्दवाढ कृती समिती मुख्यमंत्र्यांना काळे झेंडे दाखवणार यामागे राजकारणाचा वास येत असल्याची टीका महाडिक यांनी केली. दरम्यान हद्दवाढ संदर्भात सर्वांनी एकत्र आलं पाहिजे असे आवाहन महाडिक यांनी विराेधकांना केले आहे.

शौमिका महाडिक म्हणाल्या हद्दवाढ विरोधी कृती समितीचा ही म्हणणं ऐकून घेतलं पाहिजे. चर्चा करून हद्द वाढीचा प्रश्न सोडवला पाहिजे. जिल्ह्याचा विकासाची चर्चा करताना राजकीय भूमिका बाजूला ठेवणे आवश्यक आहे. चर्चेसाठी मी पुढाकार घेते. विराेधकांनी नागरिक म्हणून चर्चेत सहभागी व्हावे असे आवाहन महाडिक यांनी सतेज पाटील यांचे नाव न घेता केले.

दरम्यान महाडिक यांनी काँग्रेसच्या शहर प्रमुख यांनी काँग्रेसच्या नेत्यांना कधी या प्रश्नावर काळा झेंडा दाखवला आहे का? गेली पंधरा वर्षे राष्ट्रवादी आणि काँग्रेसच्या ताब्यात महापालिका आहे त्यांना हद्दवाढ जमली नाही? हे नागरिकांना देखील आता कळू लागल्याचे महाडिक यांनी नमूद केले.

Edited By : Siddharth Latkar