Samruddhi Mahamarg Accident : चालकाला डुलकी लागली अन् घात झाला, संभाजीनगरला निघालेल्या कारचा समृद्धी महामार्गावर अपघात

- रामनाथ ढाकणे

मुंबईहून छत्रपती संभाजीनगरकडे जात असताना कारवरील नियंत्रण सुटल्याने समृद्धी महामार्गावर एका भरधाव कारचा अपघात झाला. या अपघातानंतर कार थेट बॅरिकेट्सला धडकली. त्यानंतर पलटी झाली. या घटनेत दाेघे जण जखमी झाल्याची माहिती पाेलिसांनी दिली.

या अपघाताबाबतची प्राथमिक माहिती अशी : छत्रपती संभाजीनगर जिल्ह्यात समृद्धी महामार्गावर नागपूर कॉरिडॉर जवळ क्रमांक 481 नजीक कार चालकाला डूलकी लागल्याने कार वरील नियंत्रण सुटले. त्यामुळे हा अपघात झाला.

या कारमधील लाेक हे मुंबईकडून संभाजीनगरकडे येत हाेते. या अपघातामधील जखमींना पुढील उपचारासाठी रुग्णालयात नेण्यात आले. या अपघाताची माहिती कळताच पोलिस कर्मचा-यांनी घटनास्थळी दाखल हाेत त्यांनी जखमींची मदत केली.

Edited By : Siddharth Latkar