- अमर घटारे

अमरावती जिल्हा सामान्य रुग्णालयातील रक्तपेढीमध्ये रक्ताचा तुटवडा निर्माण झाला आहे. जिल्ह्यातील खासगी रक्तपेढीमध्येही सारखीच परिस्थिती असल्याने अनेक गरजू रुग्णांना वेळेत रक्तपुरवठा होत नसल्याचे चित्र आहे. यामुळे रक्तदात्यांनी पुढाकार घेत रक्तदान करणे गरजेचे बनले आहे. स्वयंसेवी संस्था यांना देखील रक्तदान शिबीर आयाेजित करुन रक्तसाठा करण्यास मदत करावी असे आवाहन जिल्हा सामान्य रुग्णालयातून करण्यात आले आहे. (Maharashtra News)

अमरावती जिल्ह्यात जवळपास २४ शासकीय तर १५० च्या जवळपास खासगी रुग्णालये आहेत. त्यामुळे येथे हजारो रुग्ण भरती हाेत असतात. बहुतांश रुग्णांना रक्ताची गरज असते. जिल्ह्यात पाच रक्तपेढी असून मध्ये ऑनलाइन माहिती नुसार केवळ 59 रक्तपिशव्या शिल्लक आहेत. त्या फक्त आज दिवसभर पुरु शकतो त्यामुळे रक्तअभावी रुग्णाची गैरसोय होण्याची शक्यता आहे.

दरम्यान रक्ताअभावी अनेक शस्त्रक्रियाही पुढे ढकलल्या जात असल्याची माहिती समाेर येत आहे. उन्हामुळे रक्तदान शिबिराचे आयोजन मंदावल्याने रक्ताचा तुटवडा निर्माण झाला आहे. त्यामुळे रुग्णांसाठी आवश्यक रक्ताची गरज लक्षात घेता नागरिकांनी रक्तदान करण्यासाठी पुढे यावे असे आवाहन आरोग्य विभागाने केले आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar