Parbhani Water Crisis News: चिंताजनक! हंडाभर पाण्यासाठी माेजावे लागताहेत पैसे, पेडगावकरांचा ग्रामपंचायतीवर माेर्चा

परभणी जिल्ह्यातील विविध तालुक्यांमध्ये भीषण पाणी टंचाई निर्माण झाली आहे. यामुळे बहुतांश गावात प्रशासनाच्या वतीने टॅंकरने पाणी पूरवठा केला जात आहे. दरम्यान पेडगाव ग्रामस्थांनी आज (साेमवार) सुरळीत पाणी पूरवठ्यासाठी पेडगाव ग्रामपंचायतीवर माेर्चा काढला.

परभणी तालुक्यातील पेडगावात भीषण पाणी टंचाई निर्माण झाली आहे. हंडाभर पाण्यासाठी ग्रामस्थांना पैसे मोजावे लागत असल्याचा आरोप भाजप कार्यकर्ते करु लागले आहेत. टॅंकरने पाणी पूरवठा व्हावा यासाठी ग्रामस्थ देखील आज आक्रमक झाल्याचे पाहावयास मिळाले.

ग्रामस्थांनी थेट पेडगाव ग्रामपंचायतीवर माेर्चा काढला. यावेळी ग्रामस्थांनी पाणी आमच्या हक्काचं अशा घाेषणा देत परिसरा दणाणून साेडला. यावेळी ग्रामस्थ म्हणाले गावात दुष्काळी स्थिती असताना देखील ग्रामपंचायत पाण्यासाठी काही उपयायाेजना करीत नाही. ग्रामपंचायतीने टॅंकरने पाणी पूरवठा करावा अऩ्यथा आगामी काळात तीव्र आंदाेलन छेडू असा इशारा ग्रामस्थांनी दिला.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

दरम्यान ग्रामसेवकाने आंदाेलकांना दिलेल्या उत्तरामुळे ग्रामस्थ चिडले. त्यांनी आणखी किती वर्ष पाण्यासाठी गावक-यांना झगडावे लागणार असा सवाल ग्रामस्थांनी केला.

Edited By : Siddharth Latkar