कोल्हापूरच्या जयसिंगपूरमधून एक धक्कादायक घटना उघडकीस आली आहे. एका दंतचिकित्सकाने राजाराम तलावात उडी घेऊन आत्महत्या केली आहे. त्याने पाठीवरील बॅगेत दगड, विटा भरल्या. तसेच तलावात उडी घेतली. आत्महत्या करण्यापूर्वी त्याने अनेकांना अखेरचा संदेश पाठवला. कौटुंबिक नैराश्यातून त्याने आयुष्य संपवल्याची माहिती समोर आली आहे.

अवधूत मुळे असे दंतचिकित्सकाचे नाव आहे. हा तरूण जयसिंगपूर येथील रहिवासी असल्याची माहिती आहे. घटनेच्या दिवशी त्याने बॅगेत दगड आणि विटा भरल्या. तसेच मित्रपरिवाराला शेवटचा संदेश पाठवला. अवधूतने नंतर दुचाकीने राजराम तलाव गाठले. राजाराम तलावाच्या काठावर दुचाकी उभी करून 'सुसाईड नोट' लिहिली.

सुसाईट नोट लिहून झाल्यानंतर त्याने तलावात उडी मारून आयुष्य संपवलं. या घटनेची माहिती मिळताच पोलिसांनी घटनास्थळी धाव घेतली. तसेच मृतदेह ताब्यात घेऊन शवविच्छेदनासाठी रूग्णालयात पाठवले. कौटुंबिक नैराश्येतून त्याने आत्महत्या करून जीवन संपवल्याचा प्राथमिक अंदाज पोलिसांना आहे.

या घटनेची माहिती मिळताच मुळे कुटुंबावर दुखा:चा डोंगर कोसळला असून, पुढील तपास सुरू आहे. या घटनेनंतर परिसरात खळबळ उडाली आहे.