रोहित कदम, साम टीव्ही प्रतिनिधी

father kills daughter over theft suspicion in Sangli : चोरीच्या संशयावरून निष्ठूर बापानं पोटच्या मुलीचा जीव घेतलाय. बापाच्या सैतानी कृत्यानं वडील-मुलीच्या नात्याला काळीमा फासलंय. नेमकी ही घटना काय आहे ?आणि कशामुळे घडलीये? पाहूयात यावरचा एक स्पेशल रिपोर्ट...

हा फोटो नीट पाहा...या निष्ठूर बापानं चोरीच्या संशयातून पोटच्या मुलीचा जीव घेतला..दोन मुलींना रात्रभर घरात उलटं टांगून ठेवलं..मुली रात्रभर पाणी पाणी असा आक्रोश करत राहिल्या पण या बापाला पाझर फुटला नाही आणि पहाटे एका मुलीनं जीव गमावला तर दुसरी मुलगी रूग्णालयात दाखल आहे.

सांगलीतल्या आटपाडी तालुक्यातल्या बनपुरीमध्ये घडलेली ही घटना 25 तारखेला अनुजा आणि ऋतुजा या बहिणी नेहमीप्रमाणे शाळेत गेल्या. या दोघींवर शेजारच्याच एका कुटुंबाकडून त्यांच्या घरात चोरी केल्याचा आरोप करण्यात आला. यावर संतापलेल्या दादू यमगरनं त्यांना राग अनावर झाल्यानं त्यांन मुलींना थेट घरात लटकवून ठेवलं..यात नऊ वर्षांच्या ऋतुजाचा मृत्यु झाला तर दहा वर्षाच्या अनुजाला रूग्णालयात दाखल करण्यात आलं. हैवान बापानं ही गोष्ट पोलिसांपासून लपवण्याचा प्रयत्न केला..मात्र दुसऱ्या मुलीमुळे क्रूरकर्मा बापाचं हे कृत्य समोर आलं.

दादू यमगारनं सकाळी कुणालाही या घटनेबद्दल न सांगता आपल्या मृत मुलीच्या अंत्यसंस्काराची तयारी सुरू केली.मात्र त्याचवेळी रुग्णालयात उपचार घेणाऱी अनुजा शुद्धीवर आली आणि तिने घडलेला सगळा प्रकार डॉक्टरांना सांगितला. त्यानंतर रुग्णालयाकडून पोलिसांनी या घटेनेची माहिती घेतली.आणि अंत्यसंस्कार थांबवून यमगारला ताब्यात घेतलंय.

ज्यांच्या खांद्यावर बसून ऋतुजानं जग पाहायचं स्वप्न पाहिलं, त्याच जन्मदात्यानं निव्वळ संशयावरून तिचा जीव घेतला..दादू यमगारला कायद्यानं शिक्षा होईलही पण यामुळे वडील-मुलीच्या नात्याला काळीमा फासला गेला, एव्हंढ मात्र निश्चित.