छत्रपती संभाजीनगर : जिल्ह्यातील पैठण तालुक्यात असलेल्या आपेगाव येथे डेंग्यू सदृश (Dengue) आजाराने नववीत शिकणाऱ्या मुलीचा मृत्यू झाला. यामुळे आरोग्य विभागाकडून (Health Department) गावात आता तपासणी मोहीम सुरु करण्यात आली आहे. (Breaking Marathi News)

छत्रपती संभाजीनगर जिल्ह्यातील आपेगाव या गावात मोठ्या प्रमाणात हिवतापाचे रुग्ण आढळून येत असल्याने जिल्हा, तालुका आरोग्य यंत्रणा आपेगावात दाखल झाली आहेत. या दरम्यान डेंग्यू सदृश्य आजाराने मृत्यू पावलेले वेदिका विजय गडकर (वय १४) ही विद्यार्थिनी आपेगाव येथील संत ज्ञानेश्वर विद्यालयात शिकत होती. नेहमीप्रमाणे ती दुपारी शाळेत गेली. शाळेतुन घरी परत आल्यानंतर तीला अचानक ताप आल्याने ती घरी परतली. 

आणखी एका मुलाला लागण 

तिला अस्वस्थ वाटु लागल्याने तिला पैठण येथील खासगी रुग्णालयात उपचारासाठी दाखल करण्यात आले. मात्र रात्री तिचे निधन झाले. गावातील एक अल्पवयीन युवक तापेच्या आजारांवर पैठण येथील खासगी रुग्णालयात उपचार घेत आहे. त्याच्या रक्ताची तपासणी केली असता त्याला डेंग्यू झाल्याचे निष्पन्न झाल्याने गावकऱ्यात भितीचे वातावरण निर्माण झाले आहे.