- सागर निकवाडे

नंदुरबार जिल्ह्यातल्या शहादा शहरातील शहादा नगरपालिकांच्या शाळांमधील दुरावस्थेचे चित्र एकाच पावसात समोर आले आहे. शहादा शहरातील पालिकेच्या जवळपास सर्वच शाळांसमोर असलेल्या मैदानात माेठ्या प्रमाणात पाणी साचले आहे. यामुळे मैदानांना तलावाचे स्वरुप आले आहे.

यामुळे विद्यार्थी, शिक्षकांसह पालकांना पाण्यातून मार्ग काढत शाळेच्या वर्गात पाेहचावे लागत आहे. पालिकेच्या शाळेच्या आवारातील मैदानांनजीक पाण्याचा निचरा होण्याची सोयच पालिकेने केलेली नाही.

न्यु म्युन्सिपल स्कूलसह पालिकेच्या सर्व शाळामंध्ये जवळपास कमी जास्त प्रमाणात असेच चित्र आहे. पालिकेने शहरातील पाट सफाईंकडे केलेल्या दुर्लक्षांमुळे मोठ्या प्रमाणात कचरा हा अनेक पाईपांच्या तोंडावर साचल्याने पाण्याचा निचराच होत नसल्याचे दिसून येत आहे.

Edited By : Siddharth Latkar