Chhatrapati Sambhaji Nagar News :

राज्यातील बियाणे उत्पादन कंपन्यांकडून खंडणी उकळण्यासाठी राज्य शासनाकडून कृषी बियाणे उत्पादक आणि विक्रेते यांच्यासाठी जाचक अटी असलेला कायदा आणला जात आहे असा आरोप शेतकरी नेते रघुनाथदादा पाटील (raghunathdada patil latest marathi news) यांनी केला. छत्रपती संभाजीनगर येथे बियाणे कायद्यासंदर्भात आयोजिलेल्या पत्रकार परिषदेत बोलताना रघुनाथदादा पाटील यांनी सरकराला काही सूचना केल्या. (Maharashtra News)

रघुनाथदादा पाटील म्हणाले कृषी बियाणे उत्पादन, विक्री करणा-या विरुद्ध कठोर कारवाई करण्यासाठी राज्य शासनाकडून नवीन कायदे तयार करणेची प्रक्रिया सुरु आहे. सध्या प्रचलीत असलेल कायदे पुरेसे असतानाही किंवा प्रस्तावित नवीन कायदे करणेबाबत शेतकरी, शेतकरी संघटना, उत्पादक, विक्रेते किंवा त्यांच्या संघटना यांची मागणी नसतानाही सरकार केवळ बियाणे कंपन्यांना त्रास देण्यासाठी हे कायदे आणू पाहत आहे असेही पाटील यांनी नमूद केले.

ते म्हणाले त्याचा फटका शेतकऱ्यांनाही बसणार आहे. त्यामुळे प्रस्तावित नवीन कायदे करण्यापूर्वी या नवीन कायद्याची वस्तुनिष्ठता सरकारने सगळ्यांसमोर मांडावी अशी मागणी देखील पाटील यांनी केली. यावेळी जगन्नाथ काळे, रामचंद्र नाके, कालिदास आपेट, निलेश बारगळ आदी उपस्थित हाेते.

दरम्यान सरकारचा उद्देश हा केवळ बियाणे कंपन्याकडून पैसे उकळण्याचा आहे असा थेट आरोप देखील रघुनाथदादा पाटील यांनी केला. यावेळी बियाणे उत्पादक कंपन्यांचे प्रतिनिधी, वितरक पदाधिकारी आदी उपस्थित हाेते.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar