तबरेज शेख 

नाशिक : काही दिवसांपूर्वीच नवले मळा परिसरात फिरणाऱ्या बिबट्याला जेलबंद करण्यात यश मिळाले होते. यानंतर आता (Nashik) नाशिकच्या देवळाली कॅम्प परिसरात एक (Leopard) बिबट्या थेट भक्ष्य तोंडात पकडून मुक्त संचार करत असल्याचे चित्र पाहायला मिळाले. यामुळे नागरिकांमध्ये घाबरत पसरली आहे. (Live Marathi News)

नाशिकच्या देवळाली परिसरातील खंडोबा टेकडीजवळच्या रस्त्यावर एक बिबट्या तोंडात भक्ष्य घेऊन रस्त्याने फेरफटका मारतानाचा व्हिडिओ सीसीटीव्ही कॅमेऱ्यात (CCTV) कैद झाला. या घटनेमुळे परिसरातील नागरिकांमध्ये भीती पसरली आहे. देवळाली कॅम्प येथील लष्करी परिसर आणि आसपासच्या दाट झाडीमुळे या ठिकाणी अनेकदा बिबट्यांचा संचार आढळून येतो. बिबटे भक्ष्य शोधण्यासाठी नागरी वस्तीकडे येतात. त्यापैकीच हा बिबट्या असावा, असा अंदाज व्यक्त करण्यात येतोय. शनिवारी रात्रीच्या सुमारास काही नागरिकांना मुक्त संचार करत असलेला हा बिबट्या दिसला. त्यामुळे रस्त्यावरून जाणाऱ्या वाहन चालकांमध्ये देखील भीती निर्माण झाली. या बिबट्याला पकडण्यासाठी पिंजरा लावण्याची मागणी नागरिकांनी केलीय.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

बंगल्याच्या आवारात बसून भक्ष केले फस्त

देवळाली परिसरात बिबट्या भक्ष घेऊन जात असल्याचे निदर्शनास आल्यानंतर नाशिक रोड परिसरात असलेल्या जय भवानी रोड येथील गुलमोहर कॉलनी परिसरात शिवम बंगल्याच्या आवारात बिबट्याचे दर्शनझाले. जवळपास एक तास हा बिबट्या बंगल्याच्या आवारातच ठाण मांडून होता. एवढेच नाही तर या बिबट्याने मांजरीचे पिल्लू बंगल्याच्या आवारात बसून फस्त केले आहे. ही संपूर्ण घटना सीसीटीव्हीमध्ये कैद झाली आहे. यामुळे परिसरात भीतीचे वातावरण पसरले आहे.