Leopard Captured : नवले मळा येथे धुमाकूळ घालणारा बिबट्या अखेर जेरबंद

तबरेज शेख 
नाशिक : नाशिक शहरालगत असलेल्या पाथर्डी परिसरातील नवले मळा येथे गेल्या अनेक दिवसांपासून (Nashik) धुमाकूळ घालत होता. यामुळे नागरिकांमध्ये घबराट पसरली होती. दरम्यान या बिबट्याला (Leopard) जेरबंद करण्यात वन विभागाला यश आले आहे. (Live Marathi News)

नाशिक जवळील पाथर्डी गावातील नवले मळा आणि आजूबाजूच्या परिसरात गेले काही दिवस या बिबट्याचा वावर असल्याने नागरिक देखील दहशतीच्या सावटाखाली होते. तसेच या अगोदर देखील दोन ते तीन बिबट्यानी नागरिकांना दर्शन दिले होते. यातील दोन बिबटे वनविभागाने (Forest Department) बिबट्या लावून जेरबंद केले होते. मात्र पुन्हा काही दिवसांपासून एका बिबट्याचा मळे परिसरात वावर असल्याचे आढळून आले. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

पुन्हा बिबट्या आल्याने नागरिकांनी वन विभागाकडे पिंजरा लावण्याची मागणी केली होती. त्यानुसार वन विभागाने लावलेल्या पिंजऱ्यात हा बिबट्या जेरबंद झाला. वन विभागाले या बिबट्याला सुरक्षितस्थळी हलवले. बिबट्याला जेरबंद करण्यात आल्याने नागरिकांनी सुटकेचा निःश्वास सोडला.