सरत्या वर्षाला निरोप आणि नववर्षाचे स्वागत करण्यासाठी तरुणाई सज्ज झाली आहे. नव वर्षाच्या स्वागतासाठी अनेकांनी पर्यटनस्थळांना भेट देण्याचा प्लॅन केला आहे. नवीन वर्षाच्या स्वागतासाठी राज्याच्या कानाकोपऱ्यातून लोणावळ्यात दाखल झाले आहेत. याकाळात मद्यधुंद अवस्थेत गाडी चालवणाऱ्यांवर तसेच हुल्लडबाज पर्यटकांवर थेट कारवाई करणार असल्याचे पोलिसांनी सांगितले आहे.
लोणावळ्यात पर्यटक दाखल..
थर्टी फस्ट आणि नवीन वर्षाच्या स्वागतासाठी राज्याच्या कानाकोपऱ्यातून लोणावळ्यात (Lonavala) पर्यटकांनी गर्दी केली आहे. शहरात आत्तापर्यंत तब्बल १० हजार वाहने दाखल झाली आहेत. पर्यटकांच्या वाहनांची तपासणी ग्रामीण पोलिसांकडून करण्यात येत आहे. पर्यटकांनी मद्यशील पदार्थ पर्यटन नगरीत आणू नये यासाठी ही तपासणी मोहीम सुरू आहे. तसेच दारू पिऊन गाडी चालवणाऱ्या वाहन चालकांवर कडक कारवाईचा इशारा लोणावळा पोलिसांनी दिला आहे.
नाशिक पोलीसही सज्ज!
नववर्षाच्या पुर्वसंधेला नाशिक पोलीस (Nashik) प्रशासनानेही कडक बंदोबस्ताची तयारी केली आहे. नागरिकांच्या उत्साहाला गालबोट लागू नये, याची खबरदारी पोलिसांकडून घेतली जाणार आहे. नववर्षाचा जल्लोष करताना अतिउत्साहात दारू पिऊन वाहन चालवणारे आणि धांगडधिंगा घालणाऱ्या व्यक्तींना पोलिसांच्या कारवाईला सामोरे जावे लागेल.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
यासाठी शहर पोलीस आयुक्त संदीप कर्णिक यांच्या मार्गदर्शनाखाली चार पोलीस उपायुक्त, सहा सहाय्यक पोलीस आयुक्त यांच्यासह स्थानिक पोलीस कर्मचारी, वाहतूक पोलीस, राज्य राखीव पोलीस दल, गृहरक्षक दल, दंगल नियंत्रण पथक देखील सज्ज ठेवण्यात आले आहे.
तसेच पोलिसांकडून ठिकठिकाणी नाकेबंदी, रेकॉर्डवरील गुन्हेगारांची तपासणी केली जाणार आहे. नाशिक शहरात हॉटेल्सना रात्री एक वाजेची परवानगी असून, नागरिकांनी कायद्याचे पालन करावे, असं आवाहन पोलिसांनी केले आहे. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.