अभिजीत सोनावणे, साम टीव्ही प्रतिनिधी

भोंदू अशोक खरात प्रकरणात अजून एक महत्त्वाची अपडेट समोर आली आहे. आता या प्रकारणात एक महिला अधिकारी रडारवर आहेत. SIT तपासात याबाबत माहिती उघड झाली आहे. दरम्यान, या माहितीमुळे प्रशासनात खळबळ उडाली आहे.

अशोक खरात प्रकरणात महिला अधिकारी रडारवर

SIT तपासात या तत्कालीन महिला अधिकाऱ्याचा भोंदू अशोक खरातशी संबंध असल्याची माहिती समोर आली आहे. नाशिकमध्ये पोस्टिंग असताना प्रशासकीय पातळीवर भोंदू अशोक खरातला मदत केल्याचा संशय आहे. त्या बदल्यात अशोक खरातने देखील आपलं नेटवर्क वापरून या महिला अधिकाऱ्याला पाहिजे असलेली पोस्टिंग मिळवून दिली आहे. या महिला अधिकाऱ्याचे काळे पैसे देखील खरातने पांढरे केल्याचा संशय व्यक्त केला जात आहे.

नाशिकची तत्कालीन महिला अधिकारी आणि अशोक खरात यांच्यात आर्थिक व्यवहार झाल्याची देखील माहिती सूत्रांनी दिली आहे. त्यामुळे या प्रकरणात संबंधित महिला अधिकाऱ्याची चौकशी होण्याची शक्यता आहे. यामुळे प्रशासनात मात्र खळबळ उडाली आहे.

भोंदू अशोक खरातवर १२ गुन्हे दाखल (Ashok Kharat Case)

भोंदू अशोक खरातने अनेक महिलांवर लैंगिक अत्याचार केले आहेत. त्याच्यावर एकूण १२ गुन्हे दाखल झाले आहेत. या प्रकरणातील आरोपींवर कारवाई करणार, असं मुख्यमंत्री देवेंद्र फडणवीसांनी सांगितले. त्यांनी सांगितले की, भोंदू अशोक खरात प्रकरणात रोज नवीन माहिती समोर येत आहे. एसआयटी काय तपास करते हे रोज सांगता येणार नाही. याबाबत माहिती योग्यवेळी सांगेन. सर्वांनी एसआयटीवर विश्वास ठेवा.या प्रकरणाची ईडीमार्फत चौकशी केली जाईल. ईडीने यासंदर्भात माहिती घेऊन कारवाई सुरु केली आहे.या प्रकरणातील दोशींवर कारवाई केली जाईल, असं मुख्यमंत्र्यांनी सांगितले.