Kharat Case : अधिकारी महिलाही जाळ्यात? भोंदू खरात फाईल्समध्ये धक्कादायक माहिती उघड

सर्वसामान्य महिला, राजकीय नेते, उद्योगपती यांच्यानंतर महिला अधिकारीही खरातच्या जाळ्यात अडकल्याची माहिती समोर आलीय.. मात्र या अधिकारी कोण? पाहूयात यावरचा हा स्पेशल रिपोर्ट...

ज्योतिषशास्त्र, तंत्रमंत्राच्या नावाखाली महिलांच्या शोषणाची खरात फाईल समोर आली... आणि नराधम अशोक खरातचं बिंग फुटलं... खरातच्या जाळ्यात फक्त सर्वसामान्य गरीब घरातील महिलाच नाही तर बडे राजकीय नेते, प्रशासकीय अधिकारी आणि उद्योगपती अडकलेत.... एवढंच नाही तर आता दोन उच्चपदस्थ महिला अधिकारी खरातच्या जाळ्यात अडकल्या आहेत...आणि एका महिलेचा तर व्हिडीओ व्हायरल झाल्यानं त्यांचं टेन्शन वाढलंय... तर त्यापैकी एका महिलेनं एसआयटीशी संपर्क साधल्याची माहिती सुत्रांनी दिलीय..

दुसरीकडे पोलीस कोठडीतही खरातची भोंदूगिरी सुरुच आहे...कोठडीत मंत्रजपाचं नाटक करत खरातनं चक्कं निर्लज्जपणे महिलांचं शोषणाच्या कृत्याचं समर्थन केल्याची धक्कादायक माहिती सुत्रांनी दिलीय... महिलांचं लैंगिक शोषण हा एका विधीचाच भाग असल्याचा कांगावा नराधम खरातनं केलाय...

खरातच्या जेलमध्ये उलट्या बोंबा - सूत्र

माझ्या अंतर्मनाने मला धोका दिला. मी ज्यांचं भलं केलं तेच माझ्यावर उलटले. महिलांसोबतची कृत्य हा विधीचाच भाग असल्याचं वक्तव्य खरातनं पोलीसांपुढं केलाय..एवढंच नाही तर मी कुणावरही जबरदस्ती केली नाही... यापुढं मी फक्त मेंदूचंच ऐकणार, असंही खरात पोलिसांना म्हणाल्याची माहिती सुत्रांनी दिलीय..

खरंतर याआधीच खरातला अटक होण्याचा सुगावा लागताच बड्या अधिकाऱ्यांनी शिर्डीत खरातसोबत बैठक घेतली होती... त्यानंतर खरातसोबत जमीन खरेदी व्यवहारात प्रशासकीय अधिकाऱ्याचं कनेक्शन समोर आलं... तर खरात कनेक्शनमुळे एका अधिकाऱ्याला कार्यमुक्त करण्यात आल्याची चर्चा आहे... त्यामुळे खरातनं बडे नेते आणि प्रशासकीय अधिकाऱ्यांच्या माध्यमातून कोट्यवधींची संपत्ती निर्माण केली...आता ज्या उच्चपदस्थ महिला अधिकाऱ्यांचं खरात कनेक्शन समोर आलंय... त्यांचं फक्त लैंगिक शोषणच केलंय की खरातने त्यांना ब्लॅकमेल करुन काही काळे कारनामे केलेत का? याचाही सखोल तपास करण्याची गरज आहे...

अभिजीत सोनवणे, साम टीव्ही न्यूज..नाशिक