- नवनीत तपाडिया

Aurangabad Political News : सगळी पद आपल्यालाच मिळावी असा अट्टाहास विराेधी पक्ष नेते अंबादस दानवे (Ambadas Danve) यांचा असल्याचा आराेप शिवसेना (Shivsena) ग्रामीण जिल्हाप्रमुख नरेंद्र त्रिवेदी (Narendra Trivedi) यांनी आज औरंगाबाद येथे केला. अनेक पदाधिकारी परतीच्या मार्गावर आहेत परंतु केवळ दानवेंमुळे ते येत नसल्याचेही त्रिवेदींनी नमूद केले.

त्रिवेदी म्हणाले औरंगाबाद येथे विरोधी पक्षनेते अंबादास दानवे यांची हुकूमशाही सुरू आहे. सर्व पदं त्यांनाच पाहिजे. खैरे यांना पाडण्यासाठी त्यांचाच पुढाकार होता असा गाैप्यस्फाेट देखील त्रिवेदींनी केला. आताही त्यांना जिल्ह्याची खासदारकी पाहिजे. त्यामुळे खालच्या पदावर असलेल्या सर्व पदाधिकाऱ्यांवर त्याची हुकूमशाही दिसून येत आहे असा गंभीर आरोप शिवसेना ग्रामीण जिल्हाप्रमुख नरेंद्र त्रिवेदी यांनी केला.

शिंदे गटात प्रवेश केल्यानंतर दानवे यांच्यावर नरेंद्र त्रिवेदी यांनी हल्ला चढवला. यावेळी ग्रामीण मधील काही पदाधिकाऱ्यांनी देखील शिंदे गटात प्रवेश केला आहे. यावेळी राजेंद्र जंजाळ (शिंदे गट जिल्हाध्यक्ष) यांनी (कै.) बाळासाहेब ठाकरे यांचा हिंदुत्वाचा मुद्दा घेवून मुख्यमंत्री एकनाथ शिंदे हे वाटचाल करीत आहेत. आगामी काळात औरंगाबाद जिल्ह्यात गावा गावात कार्यकर्त्यांचे जाळे विणले जाईल असे नमूद केेले.

Edited By : Siddharth Latkar