Nanded Crime News : नांदेड शहारात काकाने अंगणात खेळत असलेल्या पुतणीचं अपहरण करुन तिचा खुन केला. तसेच पुरावा नष्ट करण्यासाठी चिमुकलीस नदीत फेकुन दिल्याची घटना उघडकीस आली आहे. या खळबळजनक घटनेनं नांदेड हादरुन गेलं. दरम्यान व्यसनाधिन असलेल्या काकानं पुतणीच्या कानातील साेन्याची रिंग चाेरल्याची प्राथमिक माहिती उपलब्ध झाली आहे.
नांदेड शहरातील तेहरा नगरातील सहा वर्षाची चिमुरडी अरोही अंगणात खेळत हाेती. तिचे मंगळवारी अज्ञातानं अपहरण केल्याची तक्रार तिचे अंध वडील अंकुश हट्टेकर, आई शितल हट्टेकर यांनी शिवाजीनगर पोलीस ठाण्यात नाेंदवली हाेती.
पाेलिसांनी सखाेल माहिती घेतल्यानंतर या प्रकरणी संशयावरून अराेहीचे काका संतोष हट्टेकर यास ताब्यात घेतले. त्यानंतर सोडूनही दिले. शुक्रवारी आरोहीचा मृतदेह गोदावरी नदी पात्रात सापडला. मुलीचा खुन झाल्याचे कळताच अंध असलेल्या हट्टेकर दाम्पत्यावर दुखाःचा डोंगर कोसळला.
पाेलिसांनी दिलेल्या माहितीनूसार अराेहीचं काका हा नशा करणारा आहे. त्याने अरोहीचं अपहरण करुन तिच्या कानातले सोन्याचे रिंग काढून घेऊन तिचा खुन केला आणि पुरावा नष्ट करण्याच्या उद्देशाने तिला गोदावरी नदीत फेकुन दिले.
या प्रकरणी त्याच्या विराेधात अपहरण आणि खुनाचा गुन्हा दाखल करण्यात आला आहे. दरम्यान अरोहीच्या रुपानं अंध दाम्पत्याला मिळालेले डोळे आणि जगण्याची उमेद पुन्हा हिरावली गेल्याने परिसरात हळहळ व्यक्त केली जात आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.