Buldhana News : ट्रकचा पाठलाग करुन पाेलिसांनी पकडला पस्तीस लाखांचा गुटखा

Buldhana Crime News : बुलढाणा जिल्ह्यातील मध्यप्रदेश येथून नेहमीच गुटख्याची तस्करी केली जाते. पाेलिसांनी किती प्रयत्न केले तरी त्यात दिवसेंदिवस वाढ हाेत असल्याचे निदर्शनास येत आहे. दरम्यान पाेलिसांनी नुकताच एक ट्रक पकडून पस्तीस लाख रुपयांच्या गुटख्यासह (gutkha) दाेघांना ताब्यात घेतलं आहे.

ही कारवाई बुलढाणा पोलिसांनी मेहकर जवळ केली. गुटखा वाहतूक करणारा ट्रक येणार असल्याची माहिती पोलिसांना गुप्त माहितीच्या आधारे मिळाली हाेती. पाेलिसांनी संबंधित ट्रक येताच त्याचा पाठलाग केला आणि ट्रक पकडला.

पोलिसांनी दिलेल्या माहितीनूसार हा ट्रक मध्यप्रदेश येथून आला हाेता. या कारवाईत पस्तीस लाख रुपये किमतीचा गुटखा जप्त करण्यात आला आहे. तसेच ट्रक देखील ताब्यात घेण्यात आला आहे. या प्रकरणी दोघांना ताब्यात घेतलं असून त्यांची कसून चाैकशी सुरु असल्याची माहिती पाेलिसांनी दिली.

Edited By : Siddharth Latkar