बुलडाणा : मेहकर तालुक्यामधील उटी येथील शिवकृपा कृषी केंद्राचे संचालक किशोर मोतीराम आंधळे यांना फसवणूक व कॉपीराईट प्रकरणी पाेलिसांनी अटक केली आहे. परभणी (Parbhani) जिल्ह्यातील मानवत पोलीस ठाण्याच्या पथकानं जानेफळ पोलीस ठाण्याच्या सहकार्याने आंधळे यांना उटी येथुन अटक (arrest) केली. (Buldhana Latest Marathi News)
मेहकर तालुक्यातील जानेफळ येथील कृषी केंद्रामध्ये इतर ठिकाणच्या कृषी केंद्रापेक्षा स्वस्त दरामध्ये कीटकनाशके, तननाशके व इतर संबंधित कृषी औषधे स्वस्त दरामध्ये मिळत असल्याने बुलढाण्यासह इतर जिल्ह्यामधील शेतकरी वर्ग जानेफळ येथे औषध खरेदीसाठी येत असतात. अधिक मिळकतीच्या पोटी स्वतःचा आर्थिक फायदा होण्यासाठी काही कृषी संचालक, बनावट औषधी निर्माण करून नावलौकिक प्रसिद्ध असलेल्या कंपन्यांचे लेबल लावुन, गुणवत्ता नसलेले बनावट औषधी शेतकऱ्यांना विकून शेतकऱ्याची फसवणूक करण्याचा प्रकार उघडकीस आला.
या प्रकरणी परभणी जिल्ह्यातील मानवत पोलीस ठाणे अंतर्गत दिलेल्या तक्रारीवरुन फसवणूक व कॉपीराईटचा गुन्हा दाखल करण्यात आला. दरम्यान पाेलिसांनी तपास दरम्यान अनेकांना ताब्यात घेतले. त्यानंतर बनावट औषधे हे जानेफळ पोलीस ठाणे अंतर्गत येत असलेल्या उटी येथील रहिवासी जानेफळ येथील शिवकृपा कृषी केंद्राचे संचालक किशोर मोतीराम आंधळे यांच्यावर (कलम 420, 465, 34) गुन्हा दाखल करण्यात आला.
जानेफळ पोलीस ठाणेच्या सहकार्याने उटी येथून मानवत पोलीस ठाण्याचे कापुरे व त्यांच्या पथकानं किशोर आंधळे यास अटक केली. या घटनेमुळे बनावट कृषी औषधी विकणाऱ्या संचालकांचे धाबे दणाणले आहे.
Edited By : Siddharth Latkar
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
