Shruti Vilas Kadam
चहापत्तीमध्ये असलेले नैसर्गिक टॅनिन केसांना गडद छटा देण्यास मदत करतात. त्यामुळे केमिकलशिवाय केसांना रंग देण्याचा हा सोपा पर्याय ठरू शकतो.
दोन ते तीन चमचे चहापत्ती, दोन कप पाणी आणि आवश्यक असल्यास एक चमचा कॉफी पावडर वापरू शकता. कॉफीमुळे रंग अधिक गडद दिसण्यास मदत होते.
पाण्यात चहापत्ती चांगली उकळा. पाणी अर्धे होईपर्यंत उकळल्यानंतर गाळून पूर्ण थंड होऊ द्या.
केस स्वच्छ धुवून चहापत्तीचे पाणी ब्रश किंवा कापसाच्या मदतीने मुळांपासून टोकापर्यंत लावा. एक तास तसेच ठेवून नंतर साध्या पाण्याने धुवा.
आठवड्यातून एक ते दोन वेळा हा उपाय केल्यास केसांवर नैसर्गिक गडद छटा दिसू लागते. नियमित वापर केल्यास परिणाम अधिक चांगले मिळू शकतात.
चहापत्ती केसांना रंग देण्यासोबतच चमक वाढवण्यास, केस मऊ ठेवण्यास आणि केसांचा निस्तेजपणा कमी करण्यासही मदत करू शकते.
हा उपाय करण्यापूर्वी त्वचेवर पॅच टेस्ट करा. कोणतीही अॅलर्जी किंवा त्रास जाणवल्यास वापर थांबवा. नैसर्गिक उपायांचा परिणाम प्रत्येक व्यक्तीनुसार वेगळा असू शकतो.