- संजय सूर्यवंशी

Nanded News : पाणीपुरी व्यवसायाच्या नावाखाली गावठी कट्टे विक्री करणाऱ्या मध्यप्रदेश राज्यातील एका युवकाला शिवाजीनगर पोलीसांनी अटक केली आहे. पोलिसांनी त्याच्याकडून दोन गावठी कट्टे आणि पाच जिवंत काडतूस देखील जप्त केली आहेत. (Maharashtra News)

संजय परिहार असे अटक करण्यात आलेल्या संशयिताचे नाव आहे. ताे मध्यप्रदेश राज्यातील बिल्हेटी येथील रहिवासी आहे. मागील काही दिवसांपासून तो (nanded) भोकर मध्ये राहत होता. तिथे तो पाणीपुरी विक्रीचा व्यवसाय करायचा.

नवीन मोंढा परिसरात गावठी कट्टे आणि काडतूस विक्री करत असल्याची माहिती डीबी पथकाचे पोलीस उपनिरीक्षक मिलिंद सोनकांबळे यांना मिळाली. त्यानंतर पोलीसांनी त्या युवकास ताब्यात घेतले. झाडाझडती घेतली असता त्याच्याकडे दोन गावठी कट्टे आणि पाच जिवंत काडतूस आढळून आले.

संशयित पाणीपुरी व्यवसायाखाली मध्यप्रदेशहुन गावठी कट्टे आणायचा. नांदेडमध्ये त्याची विक्री करायचा. यापूर्वी देखील स्थानिक गुन्हे शाखेने अशा प्रकारे कारवाई केली होती. यामागे मोठी टोळी सक्रिय असल्याचा संशय व्यक्त केला जात आहे. दरम्यान या प्रकरणी शिवाजी नगर पोलिसांनी गुन्हा दाखल केला असून कट्टे खरेदी करणाऱ्यांचा पोलीस घेत आहेत.

Edited By : Siddharth Latkar