पराग ढोबळे

नागपूर : नागपूर जिल्ह्यातील रामटेक तालुक्यात एक धक्कादायक घटना समोर आली आहे. मैत्रिणीसोबत हॉटेलात गेलेल्या (Nagpur) तरुणाने रुममध्येच गळफास घेत आत्महत्या केली. या घटनेने खळबळ उडाली असून या प्रकरणी पोलिसांकडून अधिक तपास सुरु आहे. (Breaking Marathi News)

नागपूर जिल्ह्यातील रामटेक तालुक्यातील नगरधन येथे ही घटना घडली आहे. मुकेश भोंडेकर (वय २२) असे मृत तरुणाचे नाव आहे. तो मनसर येथे वास्तव्यास होता. मुकेश हा मैत्रीनी सोबत नगरधन येथील एका हॉटेलमध्ये गेला होता. दोघेजण हॉटेलमध्ये गेल्यानंतर सोबत असलेली तरुणी ही बाथरूममध्ये गेली होती. यानंतर रूममध्ये एकटाच असल्याने मुकेशने ओढणीने गळफास लावत आत्महत्या केली. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

तरुणी बाथरूम मधून बाहेर आल्यानंतर मुकेशने गळफास घेतल्याचे दिसले. हे दृष्य पाहून घाबरलेली तरुणी रूममधून धावत बाहेर आली व घटनेबाबत हॉटेल मॅनेजरला सांगितलं. घटनेची माहिती पोलिसांना दिल्यानंतर पोलीस (Police) आल्यावर मुकेशला खाली उतरवत तात्काळ खाजगी रुग्णालयात नेले. डॉक्टरांनी त्याला तपासून मृत घोषित केले. घटनेची माहिती पोलिसांना मिळतात पोलीस सगळ्या प्रकरणांमध्ये मुलीकडून घटनाक्रम जाणून घेतला. दरम्यान आत्महत्येचे कारण स्पष्ट झालं नसून नेमकं काय घडलं; याचा खुलासा शवविच्छेदन अहवालानंतर होईल. त्याशिवाय पोलिसही या सगळ्या प्रकरणात आत्महत्येच्या कारणाचा शोध घेत आहे.