मुंबई: महाराष्ट्र नवनिर्माण सेनेने (MNS) पुन्हा टोल नाक्यांचा मुद्दा उपस्थित केला आहे. या मुद्द्यावरुन आता आंदालने सुरू करण्यात आली आहेत. कोल्हापुरातील किणी टोल नाक्याची मुदत संपल्याची माहिती काही दिवसांपूर्वी मनसेने दिली होती. आता या प्रकरणी कोल्हापुरातील मनसेने किणी टोल नाक्यावर आंदोलन केले. या आंदोलनात महिलांची संख्या मोठ्या प्रमाणात होती.

कोल्हापुरातील (Kolhapur) किणी टोल नाका बंद करावा अशी मागणी मनसेने (MNS) केली आहे. या टोल नाक्याची मुदत संपल्याचा दावा मनसेने केला आहे. त्यामुळे हा टोल नाका बंद करा यासाठी टोल नाक्यावर अनोख्या पद्धतीने आंदोलन करण्यात आले आहे. बँड, कळस घेऊन महिलाही या आंदोलनात सहभागी झाल्या आहेत.

टोल नाक्याची मुदत संपुनही अजून टोल नाका सुरू आहे. त्यामुळे आता हा टोल नाका बंद करण्यात यावा अशी मागणी आंदोलनकर्त्यांनी केली आहे.

हे देखील पाहा

किणी टोल नाक्याची मुदत संपल्याचा दावा मनसेने (MNS) केला आहे. आज टोल नाक्यावर मनसेने आंदोलन केले. यावेळी मनसे आक्रमक झाल्याचे पाहायला मिळाले. आंदोलनकर्त्यांना पोलिसांनी ताब्यात घेतले आहे. मनसे कार्यकर्त्यांनी पंचगंगा नदीचे पाण्याने टोल नाक्याला अभिषेक घातला. या आंदोलनासाठी मनसेचे कार्यकर्ते मोठ्या संख्येने आले आहेत.

या आंदालना दरम्यान, गेल्या अर्ध्या तासापासून गाड्या विना टोल घेता सोडण्यात येत आहेत. गेल्या १७ वर्षापासून हा टोल नाका सुरू आहे. या टोल नाक्याची ५० दिवसापासून मुदत संपली आहे, तर पूर आणि कोरोनाचे कारण देत हा टोल नाका सुरू ठेवल्याचा दावा मनसेने केला आहे.