- विनायक वंजारे

MLA Vaibhav Naik On ACB Inquiry : माझ्या आमदार फंडातून ग्रामपंचायतींनी (gramanchayat) कामे केली. त्या त्या ग्रामपंचायतींना एसीबीकडून नोटीसा दिल्या जात आहेत. त्यातून माझ्यावर दबाव आणण्याचा ते वेळोवेळी प्रयत्न करताहेत. मात्र या एसीबीच्या (ACB) चौकशीच्या पाठीमागे जे कोणी सुत्रधार असतील त्यांना एकच सांगतो, अशा चौकशीच्या दबावाला घाबरून आम्ही बळी पडणार नाही. शिवसेनेचे (shiv sena) काम आम्ही अधिक जाेमाने करु अशी प्रतिक्रिया आमदार वैभव नाईक (mla vaibhav naik) यांनी साम टीव्हीशी बाेलताना दिली.

आमदार वैभव नाईक यांच्या मतदारसंघातील भरणी कुडाळ येथील सरपंच (Sarpanch) यांना रत्नागिरी लाचलुचपत (acb) विभागाने (ratnagiri anti corruption bureau) नोटीस पाठवली आहे. तसेच त्यांच्या मतदारसंघातील सुमारे चाळीस सरपंच आणि ठेकेदार एसीबीच्या रडारवर असल्याची चर्चा आहे.

दरम्यान आमदार वैभव नाईक म्हणाले माझ्यावर दबाव आणण्याचा वेळोवेळी प्रयत्न केला जात आहे. मात्र अशा चौकशीच्या दबावाला घाबरून आम्ही पळ काढणारे नाही. आता आगामी काळात शिवसेनेचे काम आम्ही अधिक जोमाने करू. दरम्यान यापुढच्या काळात अशा अनेक चौकशा आम्ही सुद्धा करू शकतो येवढं विरोधकांनी लक्षात ठेवाव असा इशारा वैभव नाईक यांनी दिला आहे. (Maharashtra News)

Edited By : Siddharth Latkar