नुकसानग्रस्त शेतकऱ्यांसाठी राज्य सरकारने मोठी घोषणा केली आहे. सरकारमधील तिन्ही प्रमुख नेत्यांनी पत्रकार परिषद घेत शेतकऱ्यांसाठी ३२ हजार कोटींचं पॅकेज जाहीर केलं आहे. सरकारकडून दिवाळीआधी शेतकऱ्यांना मदत देण्याचा मानस असणार आहे. यावेळी मुख्यमंत्री फडणवीसांनी शाळा आणि कॉलेजच्या विद्यार्थ्यांनाही मोठा दिलासा दिला आहे. सरकारने राज्यातील २५३ तालुक्यातील शाळा-कॉलेजच्या विद्यार्थ्यांना फी माफीची घोषणा केली आहे.

फडणवीस सरकारच्या कॅबिनेटची आज मंगळवारी बैठक झाली. या बैठकीनंतर घेतलेल्या पत्रकार परिषदेत महायुती सरकारने मोठी घोषणा केली. यावेळी मुख्यमंत्री देवेंद्र फडणवीस म्हणाले, शेकऱ्यांचे मोठ्या प्रमाणात नुकसान झालंय. आम्ही जाऊन पाहणी देखील केली. आता तत्काळ मदत म्हणून १० हजार रुपये आणि गहू-तांदूळ देण्यात आले आहेत. शेतकरी पायावर उभा राहिला पाहिजे. पडलेली घरे बांधण्यासाठी प्रधानमंत्री आवास योजनेतून तरतूद करण्यात आली आहे. डोंगरी भागातील घरांना दहा हजार अधिकची मदत जाहीर करण्यात आलीये'.

'नुकसान झालेल्या प्रत्येक घटकाला मदतीची तरतूद करण्यात आली आहे. NDRFचे निकष काही प्रमाणात काढून टाकले आहेत. 47 हजार एकरी खरवडून गेलेल्या जमिनींना प्रति विहीर 30 हजार रुपये जाहीर करण्यात आलीये. पडलेली घरे बांधण्यासाठी प्रधानमंत्री आवास योजनेतून तरतूद करण्यात आली आहे. डोंगरी भागातील घरांना दहा हजार अधिकची मदत देण्यात आली आहे. थेट मदत 6175 कोटी रुपये देण्यात येईल. रब्बी पिकांसाठी बियाणे अतिरिक्त प्रति हेक्टरी 6175 कोटी देण्यात येईल, असे ते म्हणाले.

'विमा असलेल्या 45 लाख शेतकऱ्यांना 17 हजार हेक्टरी मदत देण्यात येईल. कोरडवाहू शेतकऱ्यांना 35 हजार तर बागायतीला 50 हजार रुपयांपर्यंत मदत मिळेल. पीकविमा किमान पाच हजार कोटी देण्यात येईल, अशीही माहिती मुख्यमंत्र्यांनी दिली. राज्य सरकारने एकूण पूरग्रस्त भागासाठी ३१ हजार ६२८ कोटी रुपयांचे पॅकेज जाहीर केले आहे.