लातूर, ता. २७ जुलै २०२४

लातूर जिल्ह्यातून एक भीषण अपघाताची घटना समोर आली आहे. लातूरमधील औसा- उमरगा महामार्गावर ट्रॅक्टर आणि कारमध्ये भीषण अपघात झाला. या दुर्घटनेत दोघांचा जागीच मृत्यू झाला असून तीन जण गंभीर जखमी झालेत. अपघातातील जखमींवर सध्या रुग्णालयामध्ये उपचार सुरू आहेत.

राज्यामध्ये गेल्या काही दिवसांपासून अपघातांचे सत्र सुरू आहे. काल रात्री लातूरमध्ये भरधाव कार आणि ट्रॅक्टरचा भीषण अपघात झाला. यामध्ये दोघांचा जागीच मृत्यू झाला असून तीन जण गंभीर जखमी झालेत. ओव्हरटेक करणयाच्या नादातून ही दुर्घटना झाल्याचे सांगण्यात येत आहे. या दुर्दैवी घटनेने सर्वत्र हळहळ व्यक्त होत आहे.

समोर आलेल्या माहितीनुसार, औसा -उमरगा महामार्गावरच्या फत्तेपुर पाटीजवळ रात्री 8:30च्या सुमारास हा भीषण अपघात झाला. ओव्हरटेक करताना कारने थांबलेल्या ट्रॅक्टरच्या ट्रॉलीला पाठीमागून जोराची धडक दिली आहे. या अपघातात दोघांचा जागीच मृत्यू झालाय, तर तीन जण गंभीर जखमी झाले आहेत. जखमींना उपचारासाठी लातूर येथे पाठवण्यात आले आहे.

दरम्यान, अपघाताची माहिती मिळताच स्थानिकांसह पोलिसांनी घटनास्थळी धाव घेत जखमींना मदत केली तसेच मृतदेह ताब्यात घेतले. हा अपघात इतका भीषण होता की कारचा अक्षरशः चक्काचूर झाला. ओव्हरटेक करण्याची एक चूक नडली अन् दोघांचा जीव गेल्याने सर्वत्र हळहळ व्यक्त होत आहे.