Pune : हुंड्यासाठी छळ! पुण्यात आणखी एका वैष्णवीचा बळी, लग्नानंतर अवघ्या ८ महिन्यातच मृत्युला कवटाळले

Pune Loanikand Vaishnavi Jamkar Sucide News पुण्यातील वैष्णवी हगवणे प्रकरण ताजे असतानाच, आणखी एका वैष्णवीने आत्महत्या केल्याची धक्कादायक घटना समोर आली आहे. सासरच्या जाचाला कंटाळून तिने टोकाचं पाऊल उचललं आहे. या घटनेने परिसरात खळबळ उडाली असून या प्रकरणी पीडित महिलेच्या माहेरच्या कुटुंबीयांनी पोलीस ठाण्यात तक्रार दाखल केली आहे. या तक्रारीवरून पुणे पोलिसांत सासू, साऱ्यांसह मृत महिलेच्या नवऱ्यावर गुन्हा दाखल करण्यात आला आहे. तसेच पोलीस पुढील तपास करत आहेत.

मिळालेल्या माहितीनुसार, पुण्यातील लोणीकंद परिसरात राहणाऱ्या वैष्णवी जामकर यांचा ८ महिन्यांपूर्वी विवाह झाला होता. विवाह झाल्यापासून सासरच्या मंडळींकडून वैष्णवी यांचा छळ होत असल्याचा आरोप आहे.

तसेच छळ करून त्यांच्याकडे वारंवार पैशांची मागणी केली जायची. सततच्या या जाचाला कंटाळून पीडित महिलेने राहत्या घरी ओढणीने गळफास घेत आत्महत्या केली. वैष्णवी यांच्या आत्महत्येने त्यांच्या कुटुंबियांवर दुःखाचा डोंगर कोसळला आहे. घडलेल्या घटनेची माहीती मिळताच पोलिसांनी घटनास्थळी जाऊन पंचनामा केला आहे.

वैष्णवी यांचा मृतदेह शवविच्छेदनासाठी रुग्णालयात पाठवण्यात आला असून पीडित महिलेच्या कुटुंबीयांनी सासरच्या मंडळींविरोधात पुण्यातील लोणीकंद पोलीस स्टेशनमध्ये तक्रार दाखल केली आहे. याप्रकरणी पोलीस पुढील तपास करत आहेत. पुण्यात पुन्हा एका वैष्णवीचा बळी गेल्याने परिसरात खळबळ उडाली आहे.