Accident News : रोजा सोडला, चहा पिण्यासाठी निघाले पण वाटेतच काळाने घातला घाला, सोलापूरमध्ये २ मित्रांचा अपघाती मृत्यू

विश्ववभूषण लिमये, सोलापूर

Solapur Vijapur Bypass Road Accident 2 Boys Dies सोलापूर शहरातील सोलापूर-विजापूर बायपास रोडजवळ भीषण अपघात झाला. या अपघातात दोन तरुणांचा जागीच मृत्यू झाला. भरधाव कारची कंटेनरला जोरदार धडक झाल्याने हा अपघात घडल्याची प्राथमिक माहिती मिळाली आहे. तरुणांच्या मृत्यूने त्यांच्या कुटुंबियांवर दुःखाचा डोंगर कोसळला असून पोलीस या अपघाताचा तपास करत आहेत.

मिळालेल्या माहितीनुसार, या अपघातात इमादुद्दीन बागवान आणि अमन बागवान या दोन तरुणांचा जागीच मृत्यू झाला आहे. काल संध्याकाळी रोजा इफ्तार केल्यानंतर हे दोघे तरुण चहा पिण्यासाठी आणि फेरफटका मारण्यासाठी बाहेर निघाले होते. रात्री ८.३० ते ९ च्या सुमारास सोलापूर-विजापूर बायपास रोडजवळ त्यांच्या कारची कंटेनरला जोरदार धडक झाली.

अपघात इतका भीषण होता कि कारचा अक्षरशः चक्काचूर झाला,.तर या भीषण अपघातात दोघांचाही जागीच मृत्यू झाला. घटनेची माहिती मिळताच राष्ट्रीय महामार्ग प्राधिकरणाची रुग्णवाहीका तात्काळ घटनास्थळी झाली. तर घटनेची माहिती मिळताच सोलापूर येथील सिव्हिल हॉस्पिटलमध्ये नातेवाईकांची मोठी गर्दी झाली होती. तरुणांचा दुर्दैवी मृत्यू झाल्याने परिसरात हळहळ व्यक्त केली जात आहे.