रणजित माजगावकर, कोल्हापूर|ता. ११ सप्टेंबर २०२४

Kolhapur Bolero Truck Accident: गेल्या काही दिवसांपासून राज्यात अपघातांचे सत्र सुरु असून कोल्हापूरमधून एक भीषण अपघाताची बातमी समोर आली आहे. देवगड - निपाणी राज्य मार्गावर ट्रक आणि बोलेरा गाडीचा भयंकर अपघात झाला. या अपघातात तीन जण जागीच ठार झाले आहेत. अपघातातील मृत हे कोल्हापूर जिल्ह्यातील सोळंकुर गावचे असल्याचे सांगण्यात येत आहे. या दुर्दैवी घटनेने सर्वत्र हळहळ व्यक्त होत आहे.

याबाबत सविस्तर माहिती अशी की, देवगड- निपाणी राज्य महामार्गावरुन एक भीषण अपघाताची बातमी समोर आली आहे. देवगड - निपाणी राज्य मार्गावरील मांगेवाडी गावाजवळ मध्यरात्री बोलेरो आणि ट्रकमध्ये जोरदार धडक झाली. या अपघातामध्ये तीन तरुणांचा मृत्यू झाला असून चार जण गंभीर जखमी झाले आहेत.

अपघातातील मृत तरुण हे कोल्हापूर जिल्ह्यातील सोळांकुर गावाचे असून ते सरावडे गावाहून सोळंकुरकडे निघाले होते. यावेळी राधानगरी तालुक्यातील मांगेवाडी गावाजवळ त्यांच्या बोलेरो गाडीला ट्रकने जोरदार धडक दिली. ही धडक इतकी भीषण होती की बोलेरा कारचा अक्षरशः चक्काचूर झाला तर या दुर्दैवी घटनेत तीन तरुणांचा जागीच मृत्यू झाला असून चार जण गंभीर जखमी झालेत.

रोहन संभाजी लोहार (वय 23), आकाश आनंदा परीट (वय२४), शुभम चंद्रकांत घावरे (वय२३) अशी मृत तरुणांची नाव आहेत. तर ऋत्विक राजेंद्र पाटील, सौरभ सुरेश तेल भरत धनाजी पाटील, संभाजी हणमंत लोहार अशी जखमी तरुणांची नावे आहेत. या अपघाताची माहिती मिळताच स्थानिकांनी घटनास्थळी धाव घेत जखमींना रुग्णालयात दाखल केले. दरम्यान, मृत पावलेले सर्व कोल्हापूर जिल्ह्यातील सोळांकुर गावाचे असून ऐन गणेशोत्सवात घडलेल्या या घटनेने गावावर शोककळा पसरली आहे.