जळगाव : दिवाळीची शाळांना सुटी असल्याने कल्याण येथे वास्तव्यास असलेल्या मामाच्या घरी गेले असता परतीचा (Jalgaon) प्रवास करताना तरुण शिक्षकावर काळाने झडप घातली. रेल्वेने (Railway) प्रवास करत असताना धावत्या रेल्वेतून पडून शिक्षकाचा मृत्यू झाला आहे. जळगाव काही अंतरावर असताना ही घटना घडली आहे. (Tajya Batmya)

जळगाव शहरातील रुस्तमजी इंग्लिश मीडियम स्कूलमध्ये शिक्षक म्हणून कार्यरत विजय शाम सोनी (वय २२) यांचा मृत्यू झाला आहे. मध्यप्रदेशातील बऱ्हाणपुर येथील मूळ रहिवाशी असलेले सोनी हे नोकरीच्या निमित्ताने जळगावात वास्तव्यास होते. दरम्यान दिवाळीची शाळेला सुटी असल्याने या निमित्त ते कल्याण येथील मामांकडे गेले होते. कल्याणहून परत ते मुळगावी बऱ्हाणपुर येथे जाण्यासाठी १५ नोव्हेंबरला रेल्वेने प्रवास करीत होते. मात्र जळगाव ते शिरसोली दरम्यान रेल्वेतून सोनी हे खाली पडले. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

घटना घडल्यानंतर जळगाव रेल्वे पोलीस ठाण्याचे हेडकॉन्स्टेबल सचिन भावसार यांनी जखमी अवस्थेत सोनी यांना जिल्हा शासकीय रूग्णालयात दाखल केले. त्यावेळी वैद्यकीय अधिकारी डॉ. सचिन पाटील यांनी मयत घोषीत केले. याबाबत जळगाव रेल्वे पोलीसात अकस्मात मृत्यूची नोंद करण्यात आली आहे. पुढील तपास हेडकॉन्स्टेबल सचिन भावसार करीत आहे.