जळगाव : दिपनगर (ता.भुसावळ) येथील रेल्वे उड्डाणपुलाजवळ भरधाव वेगाने जाणारी चारचाकी गाडी दुभाजकावर (Accident) आदळली. यात चालकाचा जागीच मृत्यू झाला. हा अपघात पहाटे चार वाजेच्या सुमारास घडला. (Breaking Marathi News)

भुसावळ शहरातील रहिवासी देवेंद्र पवार हा आई-वडील पत्नी आणि भावासोबत वास्तव्याला होता. देवेंद्र हा चालक म्हणून दिपनगर केंद्रात नोकरीला होता. (Jalgaon) दरम्यान १७ जानेवारीला पहाटे ४ वाजता चारचाकीने (Bhusawal) भुसावळ येथून ड्युटी असल्याने दिपनगर येथे जाण्यासाठी निघाला होता. दिपनगर येथील रेल्वे उड्डाणपुलाजवळ त्याचा वाहनावरील ताबा सुटल्याने भरधाव वाहन दुभाजकावर आदळली. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

डोक्याला मार लागल्याने मृत्यू 

अपघातात देवेंद्रच्या डोक्याला जबर दुखापत झाली. अपघात घडल्यानंतर जखमी चालकाला तातडीने जळगाव येथे शासकीय रुग्णालयात दाखल करण्यात आले. वैद्यकीय अधिकारी यांनी तपासणी अंती मयत घोषीत केले. घटनेची माहिती मिळाल्यानंतर मित्रपरिवार व नातेवाईकांनी रूग्णालयात गर्दी केली होती. एमआयडीसी पोलीस ठाण्यात अकस्मात मृत्यूची नोंद करण्यात आली आहे. मयताच्या पश्चात आई रेखा, वडील जलंदर दगडू पवार, भाऊ भूषण आणि पत्नी योगिनी असा परिवार आहे.